تازہ ترین

الیکشن کمیشن کو دھمکیاں دینے کا کیس:عدالت کا فواد چوہدری کو 11:30 بجے تک پیش کرنے کا حکم

اسلام آباد : ڈسٹرکٹ اینڈسیشن کورٹ اسلام آباد نے الیکشن کمیشن کو دھمکیاں دینے کا کیس پی ٹی آئی رہنما فواد چوہدری کو 11:30 بجے تک پیش کرنے کا حکم دے دیا۔

تفصیلات کے مطابق ڈسٹرکٹ اینڈ سیشن کورٹ اسلام آباد میں الیکشن کمیشن کو دھکیاں دینے سے متعلق کیس کی سماعت ہوئی۔

جوڈیشل مجسٹریٹ وقاص احمد راجہ نے سماعت کی، وکیل بابراعوان عدالت میں پیش ہوئے۔

وکیل فیصل چوہدری اورفوادچوہدری کی اہلیہ حبہ چوہدری سمیت پی ٹی آئی رہنما خرم شہزاد اور سینیٹر وسیم شہزاد بھی کچہری پہنچے۔

وکیل بابراعوان نے جوڈیشل مجسٹریٹ وقاص احمد راجہ سے مکالمے میں کہا کہ کیس کی سماعت اگر تھوڑی جلدی کردیں۔

جس پر جج نے حکم دیا کہ فوادچوہدری کیس کیلئے 11:30 کا وقت رکھ لیتے ہیں، فواد چوہدری کو کچہری میں 11:30 بجے پیش کیا جائے گا۔

پولیس فواد چوہدری کو 2 روزہ جسمانی ریمانڈ مکمل ہونے پرآج پیش کرے گی ، عدالت نے تفتیشی افسر کو فواد چوہدری کا میڈیکل کرواکر رپورٹ پیش کرنے کا حکم دے رکھا ہے۔

گذشتہ روز پاکستان تحریک انصاف (پی ٹی آئی) کے سینئر نائب صدر فواد چوہدری کے طبی معائنے کے لیے ان کے وکلا نے عدالت سے رجوع کیا تھا۔

فواد چوہدری کے وکلا کی جانب سے ڈیوٹی مجسٹریٹ راجہ وقاص کی عدالت میں درخواست جمع کروائی گئی تھی ، جس پر عدالت نے طبی معائنہ کروانے کا حکم جاری کیا گیا اور ایس ایچ او تھانہ کوہسار سے رپورٹ بھی طلب کی تھی۔

Comments

- Advertisement -