The news is by your side.

شہباز گل کا شناختی کارڈ، عینک، اے ٹی ایم سمیت روزمرہ کی اشیاء واپس دینے کا حکم

اسلام آباد : سیشن عدالت نے شہباز گل کا شناختی کارڈ، عینک، اے ٹی ایم سمیت روزمرہ کی اشیاء واپس دینے کا حکم دے دیا۔

تفصیلات کے مطابق ڈسٹرکٹ اینڈ سیشن کورٹس اسلام آباد میں پی ٹی آئی رہنما شہباز گل کی سامان کی سپرداری کیس کی سماعت کی ہوئی۔

سماعت ایڈیشنل سیشن جج طاہر عباس سپرا نے کی ، شہباز گل کی جانب سے علی بخاری اور اسپیشل پراسیکیوٹر رضوان عباسی عدالت میں پیش ہوئے۔

عدالت نے شہباز گل کی سپرداری کی جزوی درخواست منظور کر لی اور شہباز گل کا شناختی کارڈ، عینک، اے ٹی ایم سمیت روزمرہ کی اشیاء واپس دینے کا حکم دے دیا۔

عدالت نے اکتیس اشیاء کی لسٹ میں سے جزوی اشیاء واپس کرنے کا حکم دیتے ہوئے کہا پولیس کو متنازع اشیاء کو تفتیش کےلیے رکھنے تک اختیار دیا جاتا ہے۔

بعد ازاں عدالت نے شہباز گل کیس کی مزید سماعت 11 اکتوبر تک ملتوی کردی۔

Comments

یہ بھی پڑھیں