The news is by your side.

Advertisement

عدالت نے پرویز الہٰی کی درخواست خارج کر دی

لاہور: عدالت نے حمزہ شہباز کے خلاف پرویز الہٰی کی درخواست نمٹاتے ہوئے خارج کر دی۔

تفصیلات کے مطابق سیشن کورٹ نے پرویز الہٰی کی جانب سے حمزہ شہباز سمیت دیگر کے خلاف مقدمہ درج کرنے کی درخواست نمٹا دی۔

درخواست کی سماعت ایڈیشنل اینڈ سیشن جج حافظ رضوان عزیز نے کی، عدالت نے فریقین کے وکلا کےدلائل مکمل ہونے کے بعد فیصلہ محفوظ کر رکھا تھا۔

درخواست اسپیکر صوبائی اسمبلی پرویز الہٰی کی جانب سے دائر کی گئی تھی، جس میں مؤقف اختیار کیا گیا تھا کہ حمزہ شہباز اور دیگر کے ایما پر اسمبلی میں ان پر حملہ کروایا گیا اور توڑ پھوڑ کروائی گئی۔

حمزہ شہباز حلف معاملہ، عدالت نے لارجر بینچ بنانے کی سفارش کردی

درخواست گزار نے عدالت سے استدعا کی کہ عدالت ان پر حملے میں ملوث افراد کے خلاف مقدمہ درج کرے۔

عدالت میں پولیس نے رپورٹ پیش کی، جس میں بتایا گیا کہ درخواست گزار تفشیسی افسر کو اپنا بیان رکارڈ کروا سکتا ہے، پنجاب اسمبلی میں ہنگامہ رائی کا مقدمہ پہلے ہی سے درج کیا جا چکا ہے اور تفتیش بھی جاری ہے، اس لیے عدالت پرویز الہٰی کی درخواست خارج کرنے کا حکم دے۔

عدالت نے درخواست نمٹاتے ہوئے قرار دیا کہ مقدمہ درج ہو چکا ہے اگر پرویز الہٰی چاہیں تو پولیس کے سامنے بیان ریکارڈ کروا سکتے ہیں۔

Comments

یہ بھی پڑھیں