The news is by your side.

بادامی باغ سبزی منڈی دھماکا کیس کا فیصلہ محفوظ

لاہور کی انسداد دہشت گردی عدالت نے بادامی باغ سبزی منڈی دھماکا کیس کا فیصلہ محفوظ کر لیا ہے۔ فیصلہ 14 مئی کو سنایا جائے گا۔

اے آر وائی نیوز کے مطابق انسداد دہشت گردی عدالت کے جج اعجاز احمد بٹر نے کیس پر سماعت کی۔ جیل سے ملزم سیف الرحمان کو عدالت کے روبرو پیش کیا گیا۔

ملزم کے وکیل نے حتمی دلائل مکمل کیے جب کہ پراسیکیوٹر میاں محمد طفیل  نے ملزم کے خلاف دلائل دیے۔ عدالت نے حتمی بحث کے بعد کیس پر فیصلہ محفوظ کرلیا ہے۔

عدالت نے فیصلہ سنائے جانے کے حوالے سے 14 مئی کی تاریخ مقرر کی ہے۔

ملزم سیف الرحمان اور دیگر کے خلاف 2017 میں سی ٹی ڈی نے مقدمہ درج کیا تھا۔ پراسیکیوٹر کے مطابق ملزم سیف الرحمان کا ٹرک بم  دھماکا کے لیے استعمال ہوا۔

بادامی باغ بم دھماکے میں سولہ افراد کی ہلاکتیں ہوئی۔ ملزم کے وکیل نے بتایا کہ ملزم سیف الرحمان نے ٹرک فروخت کر دیا تھا، ملزم کا دھماکے سے کوئی تعلق نہیں۔

یاد رہے کہ ٹرک کا ڈرائیور تاحال مفرور ہے۔

Comments

یہ بھی پڑھیں