لاہور : سیشن کورٹ نے ترک کمپنی کی جانب سے ہتک عزت کیس میں وزیر اعظم کے معاون خصوصی شہباز گل کے وارنٹ منسوخی کی درخواست پر فیصلہ محفوظ کر لیا۔
تفصیلات کے مطابق وزیر اعظم کے معاون خصوصی شہباز گل نے وارنٹ گرفتاری منسوخی کی درخواست اپنے وکیل کے ذریعے لاہور کی سیشن کورٹ میں دائر کی۔
جس میں کہا گیا کہ وکیل کے کلرک نے گزشتہ سماعت پر غلط تاریخ نوٹ کی، جس کے باعث عدالت میں حاضری نہیں ہو سکی لہذا عدالت ورانٹ جاری کرنے کا حکم واپس لے ۔
عدالت نے وکیل کے دلائل مکمل ہونے پر شہباز گل کے ورانٹ واپس لینے کی درخواست پر فیصلہ محفوظ کر لیا۔
عدالت نے گزشتہ سماعت پر شہباز گل کے نماٸندے کی عدم پیشی پر ان کےقابل ضمانت وارنٹ جاری کیے تھے، نجی ترک کمپنی نے شہباز گل کے خلاف ہتک عزت کا دعوی دائر کر رکھا ہے۔
عابد خان اے آروائی نیوز سے وابستہ صحافی ہیں اور عدالتوں سے متعلق رپورٹنگ میں مہارت کے حامل ہیں