اسحاق ڈار کے خلاف آمدن سے زائد اثاثہ جات ضمنی ریفرنس کی سماعت 9 نومبرتک ملتوی -
The news is by your side.

Advertisement

اسحاق ڈار کے خلاف آمدن سے زائد اثاثہ جات ضمنی ریفرنس کی سماعت 9 نومبرتک ملتوی

اسلام آباد: احتساب عدالت میں سابق وزیرخزانہ اسحاق ڈار کے خلاف آمدن سے زائد اثاثہ جات ضمنی ریفرنس پرسماعت 9 نومبرتک ملتوی ہوگئی۔

تفصیلات کے مطابق احتساب عدالت کے جج محمد بشیر اسحاق ڈار کے خلاف آمدن سے زائد اثاثہ جات ضمنی ریفرنس پرسماعت کی۔

ضمنی ریفرنس کے شریک ملزمان کمرہ عدالت میں موجود ہیں، سابق صدر نیشنل بینک سعید احمد اور وکیل تاحال عدالت میں پیش نہ ہوئے۔ وکیل قاضی مصباح استغاثہ کے گواہ طارق جاوید پر جرح کی۔

سابق صدر نیشنل بینک سعید احمد کی جانب سے آج حاضری سے استثنیٰ کی درخواست دائرگئی، عدالت نے ان کی حاضری سے استثنیٰ کی درخواست منظور کرلی۔

بعدازاں احتساب عدالت نے سابق وزیرخزانہ اسحاق ڈار کے خلاف آمدن سے زائد اثاثہ جات ضمنی ریفرنس پرسماعت 9 نومبرتک ملتوی کردی۔

اسحاق ڈارکی گاڑیاں اورجائیداد نیلام کرنے کا حکم

یاد رہے 2 اکتوبر کو احتساب عدالت نے سابق وزیر خزانہ اسحاق ڈار کی گاڑیاں اور جائیداد نیلام کرنے کا حکم دیا تھا۔

احتساب عدالت نے اپنے فیصلے میں کہا تھا کہ اسحاق ڈارکی قرق جائیداد نیلام کرنے کا اختیار صوبائی حکومت کو ہے، صوبائی حکومت کو اختیار ہے جائیدادیں نیلام کرے یا اپنے پاس رکھے۔

واضح رہے کہ نیب نے اسحاق ڈار کے خلاف آمدن سے زائد اثاثوں کا ریفرنس احتساب عدالت میں دائر کررکھا ہے جس میں انہیں مفرور قرار دیا جا چکا ہے۔

Comments

comments

یہ بھی پڑھیں