The news is by your side.

Advertisement

دوران ڈکیتی باورچی کو قتل کرنیوالے ملزم کو سزائے موت کی سزا سنادی گئی

اسلام آباد : ڈسٹرکٹ سیشن عدالت نے دوران ڈکیتی باورچی کو قتل کرنیوالے ملزم کو سزائے موت کی سزا سنادی۔

تفصیلات کے مطابق اسلام آباد ڈسٹرکٹ سیشن عدالت میں دوران ڈکیتی باورچی کے قتل کیس کی سماعت ہوئی ، ایڈیشنل سیشن جج طاہرعباس سپرا نےکیس کافیصلہ سنایا۔

عدالت نے دوران ڈکیتی باورچی کو قتل کرنیوالے ملزم کو سزائے موت کی سزا سنادی جبکہ ڈکیتی کی دفعہ میں ملزم یوسف خان کو7سال قید کی سزا سنائی۔

عدالت نے مقتول کے ورثا کو2 لاکھ روپے ہرجانہ اور ڈکیتی کی دفعہ میں ملزم کو 30 ہزار روپے جرمانہ بھی ادا کرنے کا حکم دیا۔

یاد رہے تھانہ سبزی منڈی پولیس نے 4 جنوری 2020 کو ڈکیتی اور قتل کا مقدمہ درج کیاتھا ، ملزم یوسف خان نےآئی ٹین تھری میں دکان لوٹنے کی کوشش کی تھی۔

اس دوران ملزم نے باورجی اشفاق کو مزاحمت کرنے پر فائرنگ کرکے قتل کر دیا تھا۔

Comments

یہ بھی پڑھیں