احمد بٹ کو ہراساں کیے جانے کے خلاف ایف آئی آر کا ریکارڈ طلب -
The news is by your side.

Advertisement

احمد بٹ کو ہراساں کیے جانے کے خلاف ایف آئی آر کا ریکارڈ طلب

لاہور : مقامی عدالت نے اداکار احمد بٹ کو مبینہ طور پر پولیس کی جانب سے ہراساں کیے جانے کے خلاف درخواست پر ایف آئی آر کا ریکارڈ طلب کر لیا۔

ایڈیشنل سیشن جج سرفراز اختر نے احمد بٹ کی جانب سے درخواست کی سماعت کی۔ احمد بٹ کے وکیل نے بیان دیا کہ احمد بٹ اور اس کی سابق بیوی حمیرا ارشد کے درمیان بیٹے کی حوالگی کے لیے کیس گارڈین کورٹ میں زیر التوا ہے۔

حمیرا ارشد نے اس رنجش کی بنا پر احمد بٹ کے خلاف چوری کا جھوٹا مقدمہ درج کروایا اب پولیس اس مقدمے کی آڑ میں مسلسل چھاپے مار رہی ہے اور اسے ہراساں کر رہی ہے۔

درخواست گزار کے وکیل کا کہنا تھا کہ احمد بٹ ایک مشہور شخصیت ہیں، ان چھاپوں سے ان کی بدنامی ہو رہی ہے لہذا پولیس کو ان چھاپوں سے روکا جائے۔

عدالت نے تھانہ فیکٹری ایریا کو نوٹس جاری کرتے ہوئے ایف آئی آر کا ریکارڈ طلب کر لیا۔

Comments

comments

یہ بھی پڑھیں