The news is by your side.

Advertisement

مریم نواز کے حلقے سے متبادل امیدواروں کو ٹکٹ جاری

لاہور: سابق وزیر اعظم نواز شریف کی صاحبزادی اور مسلم لیگ ن کی رہنما مریم نواز کی نااہلی کے بعد ان کے حلقہ انتخاب سے متبادل امیدواروں کو ٹکٹ جاری کردیے گئے۔

تفصیلات کے مطابق مریم نواز کی نااہلی کے بعد ان کے حلقہ انتخاب لاہور این اے 127 اور ننکانہ صاحب پی پی 173 پر متبادل امیدواروں کو ٹکٹ جاری کردیا گیا۔

این اے 127 سے علی پرویز ملک ٹیلی ویژن کے نشان پر الیکشن لڑیں گے جبکہ صوبائی اسمبلی کے حلقہ پی پی 173 سے عرفان شفیع کھوکھر کرکٹ کٹ کے نشان پر الیکشن لڑیں گے۔

خیال رہے کہ گزشتہ روز احتساب عدالت نے سابق وزیر اعظم نواز شریف، ان کے صاحبزادوں حسن اور حسین نواز، ان کی صاحبزادی مریم نواز اور داماد کیپٹن (ر) صفدر کے خلاف ایون فیلڈ ریفرنس کا فیصلہ سناتے ہوئے نواز شریف کو 10 سال، مریم نواز کو 7 سال اور کیپٹن صفدر کو 1 سال قید کی سزا سنائی تھی۔

نواز شریف پر 80 لاکھ پاؤنڈز جبکہ مریم نواز پر 20 لاکھ پاؤنڈز کا جرمانہ بھی عائد کیا گیا تھا۔

عدالتی فیصلے میں مریم نواز اور کیپٹن صفدر کو 10 سال تک کسی بھی عوامی عہدے کے لیے بھی نااہل قرار دے دیا گیا ہے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں