The news is by your side.

Advertisement

پاکستان میں کورونا کے مزید 33 مریض جاں بحق، 1300 سے زائد کیسز رپورٹ

اسلام آباد: پاکستان میں کورونا سے مزید 33 مریض جاں بحق ہوگئے جبکہ ایک ہزار 315 نئے کیسز سامنے آئے ، جس کے بعد اموات کی تعداد 12 ہزار 837 اور کورونا کے ایکٹیو کیسز کی تعداد 21 ہزار 554 ہوگئی۔

تفصیلات کے مطابق نیشنل کمانڈ آپریشن سینٹر کی جانب سے ملک میں کورونا کے تازہ ترین اعدادوشمار جاری کردیئے، جس میں بتایا گیا ہے کہ 24 گھنٹے میں کورونا وائرس سے 33مریضوں کا انتقال ہوا، جس کے بعد اموات کی مجموعی تعداد 12 ہزار 837 ہوگئی۔

این سی او سی کا کہنا تھا کہ 24 گھنٹے میں ملک بھرمیں39086کوروناٹیسٹ کیےگئے ، جس میں سے ایک ہزار 315 افراد میں کوروناکی تصدیق ہوئی ، جس کے بعد ملک میں کورونا کے ایکٹیو کیسز کی تعداد 21554 ہوگئی جبکہ ملک میں 5 لاکھ 78ہزار 797 پازیٹو کورونا کیس سامنےآ چکے ہیں۔

اعدادو شمار کے مطابق سندھ میں 2لاکھ57ہزار730 ، پنجاب 1لاکھ70ہزار817، کےپی میں72003 ، بلوچستان میں19038 ، اسلام آباد میں 44106 کورونا کیسز سامنے آچکے ہیں جبکہ گلگت بلتستان میں4956 اور آزاد کشمیر میں کورونا کے 10147مصدقہ کیس رپورٹ ہوچکے ہیں۔

نیشنل کمانڈ آپریشن سینٹر نے کہا کہ ملک بھر میں کورونا کے 5لاکھ44ہزار406مریض صحتیاب ہو چکے ہیں جبکہ کورونا کے220مریض وینٹی لیٹرپر اور 631 اسپتالوں میں کورونا کے 1989مریض زیر علاج ہیں۔

Comments

یہ بھی پڑھیں