تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

کرونا وائرس نے ایک بار پھر یورپ کو زد میں لے لیا

ویانا: کرونا وائرس نے یورپ کو ایک بار پھر اپنی زد میں لے لیا، آسٹریا میں‌ گزشتہ 24 گھنٹوں‌ کے دوران ریکارڈ 15 ہزار سے زائد کرونا کیسز کی تصدیق ہوئی ہے۔

تفصیلات کے مطابق کووِڈ 19 کی وبا کی نئی لہر نے ایک بار پھر یورپی ملک آسٹریا کو لپیٹ میں لے لیا ہے، ملک میں چوبیس گھنٹوں میں کرونا سے 48 اموات واقع ہوئیں، جس کے باعث پورے ملک میں مکمل لاک ڈاؤن کے نفاذ کا اعلان کر دیا گیا ہے۔

غیر ملکی میڈیا کے مطابق پیر سے 20 روز کے لیے پورا ملک بند رہے گا، جب کہ آئندہ برس یکم فروری سے ہر ایک شہری کو کرونا ویکیسن لگوانی ہوگی۔

اس سلسلے میں چانسلر الیگزینڈر شلنبرگ نے کہا کہ لاک ڈاؤن زیادہ سے زیادہ 20 دن تک جاری رہے گا، اور یکم فروری 2022 سے قانونی طور پر ویکسین لگوانا ضروری ہوگا۔

واضح رہے کہ مغربی یورپ میں سب سے کم آسٹریا میں کرونا ویکسینیشن کروائی گئی ہے، بہت سے دوسرے یورپی ممالک بھی کرونا کیسز میں اضافے کے ساتھ ہی پابندیاں عائد کرتے جا رہے ہیں۔

چانسلر شلنبرگ نے کہا کہ ہم پانچویں لہر نہیں چاہتے، واضح رہے کہ آسٹریا میں ایک طویل عرصے سے لازمی ویکسینیشن سے بچنے پر اتفاق رائے پایا جاتا ہے۔

Comments

- Advertisement -