The news is by your side.

Advertisement

پاکستان میں کورونا کی بگڑتی صورتحال، ماہرین صحت کا ملک میں ایمرجنسی نافذ کرنے کا مطالبہ

اسلام آباد : سیکریٹری جنرل پی ایم اے ڈاکٹرقیصرسجاد نے کورونا کی بگڑتی ہوئی صورتحال کے پیش نظر ملک میں ایمرجنسی نافذ کرنے کا مطالبہ کرتے ہوئے خبردار کیا ہے کہ بھارت میں جوصورتحال ہےہم اسی طرف جارہے ہیں۔

تفصیلات کے مطابق سیکریٹری جنرل پی ایم اے ڈاکٹرقیصرسجاد نے اےآروائی نیوز سے گفتگو کرتے ہوئے کہا کہپاکستان میں کوروناکی صورت حال خراب ہوتی جارہی ہے، بھارت میں جوصورتحال ہےہم اسی طرف جارہے ہیں۔

ڈاکٹرقیصرسجاد نے مطالبہ کیا کہ خطرناک صورتحال سےبچنےکیلئےملک میں ایمرجنسی نافذکی جائے اور کہا ایس اوپیز پر سختی سے عملدرآمد کرایاجاتا تو یہ صورتحال نہ ہوتی۔

خیال رہے نئے کرونا وائرس سے پھیلنے والی وبا نے پاکستان میں تشویش ناک تیزی اختیار کر لی ہے، گزشتہ چوبیس گھنٹوں کے دوران وبا کی زد میں آ کر 157 افراد جاں بحق ہو گئے، جس کے بعد مجموعی تعداد 17 ہزار کے قریب پہنچ گئی۔

گزشتہ 24 گھنٹوں میں ملک میں 52 ہزار 402 کرونا ٹیسٹ کیے گئے، جن میں کرونا کے 5 ہزار 908 نئے کیسز کی تصدیق ہوئی اور کرونا کے ٹیسٹ مثبت آنے کی شرح 11.27 فی صد رہی۔

Comments

یہ بھی پڑھیں