اسلام آباد: سیلاب سے شدید طور پر متاثرہ پاکستان میں کرونا وائرس کے کیسز میں کمی دیکھنے میں آ رہی ہے، گزشتہ چوبیس گھنٹوں کے دوران ملک میں کرونا کے 270 کیسز سامنے آئے۔
نیشنل انسٹیٹیوٹ آف ہیلتھ پاکستان کے مطابق گزشتہ چوبیس گھنٹوں کے دوران ملک میں مزید 270 نئے کیسز سامنے آئے ہیں، جب کہ 3 مریضوں کا انتقال ہو گیا۔
این آئی ایچ کا کہنا ہے کہ 24 گھنٹوں کے دوران ملک بھر میں 16 ہزار 871 کرونا ٹیسٹ کیے گئے، جن میں مثبت کیسز کی شرح 1.60 فی صد رہی۔
قومی ادارہ صحت کے مطابق کووِڈ نائنٹین سے ہونے والے انفیکشن کے باعث ملک بھر کے مختلف اسپتالوں میں زیر علاج 118 مریضوں کی حالت تشویش ناک ہے، جنھیں انتہائی نگہداشت میں رکھا گیا ہے۔
COVID-19 Statistics 28 August 2022
Total Tests in Last 24 Hours: 16,871
Positive Cases: 270
Positivity %: 1.60%
Deaths: 03
Patients on Critical Care: 118— NIH Pakistan (@NIH_Pakistan) August 28, 2022
واضح رہے کہ پاکستان میں مجموعی طور پر اب تک 15 لاکھ 68 ہزار 801 کرونا کیسز سامنے آ چکے ہیں، جب کہ مجموعی اموات کی تعداد 30 ہزار 569 ہو چکی ہے۔
