The news is by your side.

Advertisement

کراچی میں کورونا کیسز مثبت آنے کی شرح 7.5فیصد ہوگئی

کراچی : کورونا ٹاسک فورس کے اجلاس میں بتایا گیا ہے کہ کراچی میں کورونا کیس مثبت آنے کی شرح سات اعشاریہ پانچ فیصد ہوگئی، ضلع جنوبی  اور غربی میں نو،ملیرمیں آٹھ اور سینٹرل میں شرح سات فیصد رہی۔

تفصیلات کے مطابق وزیراعلیٰ سندھ مراد علی شاہ کی زیرصدارت کورونا پر صوبائی ٹاسک فورس کااجلاس ہوا، جس میں عذرا پیچوہو،ناصر شاہ،سعیدغنی، مرتضیٰ وہاب دیگراعلیٰ حکام شریک ہوئے۔

اجلاس میںسیکریٹری صحت سندھ کاظم جتوئی نے اجلاس کوبریفنگ دیتے ہوئے بتایا کہ سندھ میں گزشتہ شام تک14052ٹیسٹ کیےگئے،521مثبت آئے، کراچی میں کیسزکی شرح 7.54 ہے ، جو 25 جون کو10.47 تھی۔

بریفنگ میں کہا گیا کہ گزشتہ 7 روز میں ضلع شرقی میں کورونا کی شرح 15 فیصد ، ضلع جنوبی،غربی میں 9، ملیر میں 8، سینٹرل میں 7 فیصدہے جبکہ سندھ میں گزشتہ 30 روزمیں کورونا سے 368 اموات ہوئیں۔

اس حوالے سے وزیراعلیٰ سندھ مرادعلی شاہ نے کہا کہ سندھ اموات کی شرح تاحال کم نہیں ہو رہی، سندھ کوابتک 41 لاکھ 75ہزار 997 کورونا ویکسین موصول ہوئی اور ابتک 33 لاکھ 20 ہزار 251 کورونا ویکسین لگائی جا چکی ہے۔

خیال رہے ملک بھرمیں کورونا کے مزید بیس مریضوں کا انتقال ہوگیا ہے جبکہ نوسوچودہ نئے کیس رپورٹ ہوئے اور ٹیسٹ مثبت آنے کی شرح دو فیصد رہی۔

Comments

یہ بھی پڑھیں