تازہ ترین

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

وفاقی حکومت نے آٹا برآمد کرنے کی اجازت دے دی

وفاقی حکومت نے برآمد کنندگان کو آٹا برآمد کرنے...

وزیراعظم شہباز شریف آج چیف جسٹس قاضی فائز عیسٰی سے اہم ملاقات کریں گے

اسلام آباد : وزیراعظم شہبازشریف اور چیف جسٹس سپریم...

کرونا وائرس، ریسٹورنٹ کی مالکن کا ملازمین کے لیے بڑا اقدام

نیویارک: کرونا وائرس کے باعث کئی طرح کے کاروبار نقصان میں جارہے ہیں اور مالکان کے لیے ملازمین کی تنخواہیں دینا مشکل ہورہا ہے ایسے میں امریکا میں ایک ریسٹورنٹ کی مالکن نے نئی مثال قائم کردی۔

غیرملکی خبررساں ادارے کی رپورٹ کے مطابق امریکی ریاست ورجینیا کے شہر سمائرا میں ریسٹورنٹ کی مالکن چیرٹی سیلیئرز نے جب یہ دیکھا کہ لاک ڈاؤن کی وجہ سے وہ ملازمین کی تنخواہ نہیں دے سکتیں تو انہوں نے اپنی لگژری اسپورٹس گاڑی فروخت کردی۔

خاتون کا کہنا تھا کہ دیگر چھوٹے کاروباروں کی طرح ان کے ریسٹورنٹ کو بھی کرونا وائرس کی وجہ سے شدید نقصان پہنچا اور ان کے پاس عمارت کا کرایہ اور ملازمین کو تنخواہ دینے کے لیے بھی پیسے نہ تھے جس پر انہوں نے اپنی اسپورٹس کار فروخت کردی۔

خاتون چیرٹی سیلیئرز کا کہنا تھا کہ کرونا وائرس سے قبل میرے ریسٹورنٹ کی آمدنی ساڑھے 3 ہزار ڈالر تھی جو اب صرف 300 ڈالر رہ گئی ہے۔

انہوں نے کہا کہ میں گزشتہ تین دہائیوں سے یہ ریسٹورنٹ چلارہی ہوں اور کسی طور اسے بند نہیں کرنا چاہتی چنانچہ میں نے اپنی گاڑی فروخت کرکے اخراجات پورے کرنے کا فیصلہ کیا اب میں مزید چند ماہ اس ریسٹورنٹ کو کھلا رکھ سکتی ہوں۔

واضح رہے کہ امریکی ریاست ورجینیا میں کرونا وائرس کے تصدیق شدہ کیسز کی تعداد 15 ہزار 846 ہوگئی اور وائرس سے 552 افراد ہلاک ہوگئے ہیں۔

Comments

- Advertisement -