The news is by your side.

Advertisement

پاکستان میں کورونا مثبت کیسز میں مسلسل کمی، شرح 2.11 فیصد پر آگئی

اسلام آباد : پاکستان میں کورونا سے اموات اور کیسز میں کمی کا سلسلہ جاری ہے ، ایک دن میں مزید 28 مریض جاں بحق اور ایک ہزار16 کیسز رپورٹ ہوئے۔

تفصیلات کے مطابق نیشنل کمانڈ اینڈ آپریشن سینٹر نے ملک میں کورونا وبا کے تازہ اعدادو شمار جاری کردیئے ، جس میں کہا گیا ہے کہ ملک میں 24 گھنٹےمیں کورونا کے مزید 28 مریض انتقال کرگئے، جس کے بعد کورونا سے اموات کی مجموعی تعداد 28ہزار201
ہوگئی۔

این سی او سی کا کہنا تھا کہ ملک بھر میں 24 گھنٹوں کے دوران 47 ہزار 934 کورونا ٹیسٹ کیے گئے، جس میں سے ایک ہزار16 افراد میں کورونا کی تصدیق ہوئی، اس دوران کوروناٹیسٹ مثبت آنے کی شرح 2.11 فیصد رہی۔

نیشنل کمانڈاینڈآپریشن سینٹر نے بتایا کہ ملک میں اس وقت کورونا کے تشویشناک کیسزکی تعداد2ہزار195 ہے جبکہ ملک بھر میں کورونا سے متاثر ہونے والوں کی مجموعی تعداد 12 لاکھ 61 ہزار 685 تک پہنچ گئی ہے۔

صوبوں میں کورونا کیسز کے اعدادو شمار کے مطابق سندھ میں کورونا کیسز کی تعداد چار لاکھ 64 ہزار 142 ، پنجاب میں 4 لاکھ 37 ہزار 302 ،خیبرپختونخوا میں ایک لاکھ 76 ہزار 366 اور بلوچستان میں33 ہزار 100 ہے جبکہ اسلام آباد میں ایک لاکھ چار ہزار 764 ، گلگت بلتستان میں 10 ہزار 361، اور آزاد کشمیر میں34 ہزار 372 کیسز سامنے آچکے ہیں۔

Comments

یہ بھی پڑھیں