اسلام آباد : پاکستان میں کوویڈ ایمیونائزیشن سرٹیفیکٹ پورٹل کا اجرا کردیا گیا ، پورٹل کے ذریعے شہری کورونا ویکسی نیشن کا سرٹیفکیٹ حاصل کرسکیں گے۔
تفصیلات کے مطابق نیشنل کمانڈ اینڈ آپریشن سینٹر کے سربراہ اسد عمر نے سماجی رابطے کی ویب سائٹ ٹوئٹر پر اپنے بیان میں کہا ملک بھر میں کوویڈ ایمیونائزیشن سرٹیفیکٹ پورٹل کا اجرا کردیا گیا ہے، جن شہریوں کی ویکسی نیشن ہوگئی وہ سرٹیفکیٹ ڈاؤن لوڈکرسکتےہیں جبکہ ویکسی نیشن مکمل ہونےپرسرٹیفکیٹ نادرمیگاسینٹرسےبھی وصول کیا جاسکتا ہے۔
COVID Immunisation certificate issuance portal has been launched across the country today. citizen’s whose vaccination process is complete (both doses) can now download COVID Immunisation Certificate from https://t.co/ctqKJVYnWp or get it issued by visiting NADRA Mega Centres. pic.twitter.com/UcAoBfFKbY
— Asad Umar (@Asad_Umar) March 27, 2021
گذشتہ روز وفاقی وزیر اسدعمر نے کورونا ویکسی نیشن کے اگلے مرحلے میں 30 مارچ سے 50 سال سے زائد عمر افراد کی رجسٹریشن شروع کرنے کا اعلان کیا تھا۔
خیال رہے ملک بھر میں ساٹھ سال سے زائد عمر کے شہریوں کو کورونا ویکسی نیشن لگانے کا سلسلہ جاری ہے، اس ساتھ ہی کوروناکی تیسری لہرخطرناک ہونے لگی ہے کیونکہ مثبت کیسزکی یومیہ شرح ایک سال کی دوسری بلند ترین سطح پرپہنچ گئی ہے۔