The news is by your side.

Advertisement

ملک کورونا سے جون والی صورتحال: ماہرین نے خطرے کی گھنٹی بجادی

کراچی : انڈس اسپتال کے سربراہ ڈاکٹر باری کا کہنا ہے کہ اس وقت ملک کورونا سے جون والی صورتحال ہوچکی ہے، احتیاط نہ کی گئی تو چند دنوں میں صورتحال زیادہ خراب ہوسکتی ہے۔

تفصیلات کے مطابق انڈس اسپتال کے سربراہ ڈاکٹر باری نے اے آر وائی نیوز کے پروگرام باخبر سویرا میں گفتگو کرتے ہوئے کہا کورونا کی دوسری لہر پر سب کو ہوش کے ناخن لینےچاہئیں ، ہرقسم کی عوامی تقریبات پر پابندی لگانی چاہیے جبکہ لوگ غیر ضروری بازار بھی نہ جائیں۔

ڈاکٹر باری کا کہنا تھا کہ اسپتالوں میں بیڈز بھرے ہوئے ہیں، اس وقت ملک کورونا سے جون والی صورتحال ہوچکی ہے، احتیاط نہ کی گئی تو چند دنوں میں صورتحال زیادہ خراب ہوسکتی ہے، ماسک لباس کا لازمی حصہ ہونا چاہیے۔

دوسری جانب حنیف میڈیکل ڈائریکٹر ٹباہارٹ انسٹیٹیوٹ ڈاکٹربشیر حنیف نے گفتگو میں کہا کہ دل کےمریض15سے20روزانہ کی بنیادپراسپتالوں میں داخل ہوتےہیں، کووڈپازیٹواوردل کےمریضوں کوانجیوگرافی کرانی چاہیے۔

،ڈاکٹربشیر کا کہنا تھا کہ اس بیماری میں کلاٹس بننےکاچانس زیادہ ہوتاہے، دل کےمریضوں کوکورونامیں زیادہ احتیاط کی ضرورت ہے،ڈاکٹربشیر

ڈائریکٹر ٹباہارٹ انسٹیٹیوٹ نے مزید کہا کہ کوروناکی وجہ سے پھیپھڑے بھی خراب ہوسکتے ہیں، اگر لیٹنےمیں سانس پھول رہاہے توضرورچیک اپ کرائیں۔

انھوں نے کہا کہ دل کےمریض کوکوروناہوجائے تو وہ لازمی ڈاکٹر کو چیک کرائے۔

Comments

یہ بھی پڑھیں