The news is by your side.

Advertisement

موٹر وے سفر کے لیے کرونا ویکسنیشن لازمی قرار

کراچی: صوبہ سندھ میں موٹر وے کے ذریعے سفر کرنے کے لیے کرونا ویکسنیشن لازمی قرار دے دی گئی۔

تفصیلات کے مطابق محکمہ داخلہ سندھ نے ٹرانسپورٹ سیکٹر سے متعلق کرونا ایس او پیز کا نیا حکم نامہ جاری کر دیا۔

حکم نامے کے مطابق بسوں، ریل گاڑیوں، ٹیکسی ڈرائیورز، اور ہوم ڈیلیوری سروس والے اسٹاف کے لیے کرونا ویکسینیشن لازمی قرار دے دی گئی ہے۔

محکمہ داخلہ سندھ نے اس سلسلے میں پولیس اور انتظامیہ کو سخت ایکشن لینے کا حکم بھی دے دیا ہے، اور ہدایت کی ہے کہ 26 اور 27 ستمبر کو خصوصی طور پر کرونا ویکسینیشن کارڈ لازمی چیک کریں۔

کورونا ویکسینیشن کارڈ کی چیکنگ : کراچی کے شہری ہوشیار ہوجائیں

حکم نامے میں کہا گیا ہے کہ عملے کی ویکسینیشن نہ کرانے والے بس اسٹینڈز اور بسوں کو سیل کر دیا جائے گا، جب کہ ویکسینیشن کارڈ نہ رکھنے والوں کو گرفتار کیا جائے گا۔

محکمہ داخلہ سندھ نے احکامات پر عمل درآمد کے لیے صوبے کے تمام کمشنرز کو بھی ہدایت جاری کر دی ہے۔

Comments

یہ بھی پڑھیں