نئی دہلی: بھارتی سیاستدان اور گائے کی حفاظت کے لیے بنائے گئے ادارے کے سربراہ شنکر لال نے دعویٰ کیا ہے کہ اگر پاکستان بھارت پر ایٹمی حملہ کرتا ہے تو گائے کا گوبر بھارتیوں کو تابکاری سے بچائے گا۔
تفصیلات کے مطابق شنکر لال نے تابکاری سے بچنے کا طریقہ بتاتے ہوئے کہا کہ ناسا نے مشورہ دیا کہ اگر زمین میں گھڑا کھود کر اس پر پتے رکھ کے ڈیڑھ فٹ اوپر تک گائے کا گوبر رکھ دیا جائے تو انسان محفوظ رہیں گے کیونکہ گوبر تابکاری جذب کر کے انسانوں کو بچائے گا۔
انہوں نے کہا کہ ناسا نے یہ تحقیق کی ہے اور اسے گوگل پر بھی دیکھا جا سکتا ہے۔
Here it comes. Scientifically proven. @NASA is for sure authority.
After #CowColaEnegy it’s #CowDungAntiRadiationGuard.
PS
No offence to religion which remains respectable. pic.twitter.com/b4FaJOEEEe
— Asif Ghafoor (@peaceforchange) September 12, 2019
اس دعوے پر ڈی جی آئی ایس پی آر میجر جنرل آصف غفور نے طنز کرتے ہوئے کہا بھارت سے گائے کے حوالے سے ایک اور انوکھا دعویٰ سامنے آگیا۔
واضح رہے کہ بھارتی سیاست دان سستی شہرت کے حصول کےلیے ایسے انوکھے دعوے پہلے بھی کرتے رہے ہیں، سنہ 2016 میں بھارتی ریاست آندھرا پردیش کی حکمران جماعت تیلگو ڈیشام پارٹی کے ایم ایل اے نے بی کام کی تعلیم کے دوران فزکس اور میتھ پڑھنے کا حیرت انگیز دعویٰ کیا تھا۔