The news is by your side.

Advertisement

پاک چین اقتصادی راہداری، پہلا تجارتی قافلہ گوادر پہنچ گیا

گوادر : پاک چین اقتصادی راہداری کے تحت پینتالیس کنٹینرز کا پہلہ قافلہ گوادر پہنچ گیا، قافلے نے اکتیس اکتوبر کو چین کے شہر کاشغر سے اپنے سفر کا آغاز کیا تھا۔

تفصیلات کے مطابق چین سے آنے والے پینتالیس کنٹینرز کا پہلا قافلہ پاک چین اقتصادی راہداری سے ہوتا ہوا گوادر پہنچ گیا، اس تجارتی قافلے کے بقیہ کنٹینرز کل گوادر پہنچیں گے۔

1cpec

 

تجارتی قافلہ پاک چین اقتصادی راہداری کے مغربی روٹ سے ہوتا ہوا گوادر پہنچا ہے، اس قافلے کو پاک فوج اور ایف سی کی جانب سے فول پروف سیکیورٹی فراہم کی گئی، گوادر پہنچنے پر قافلے کا شاندار استقبال کیا گیا۔

chinese-12

123

cpec

یاد رہے کہ تجارتی مال لیکر آنے والے اس قافلے نے اکتیس اکتوبر کو چین کے شہر کاشغر سے اپنے سفر کا آغاز کیا تھا اور ہنزہ کے گاؤں سوست میں مختلف سامان سے لدے ہوئے لگ بھگ سو کنٹینرز پہنچے۔


مزید پڑھیں : پاک چین راہداری منصوبہ کے تحت باقاعدہ تجارت کا آغاز


جس کے بعد پاک فوج اور پولیس کی سخت ترین سیکورٹی میں چین سے لایا گیا سامان ایبٹ آباد سے سینکڑوں ٹرکوں اور کنٹینرز کے زریعے گوادر روانہ کردیا گیا تھا۔

افتتاحی تقریب کا انقعاد سوست پورٹ پر ہوا، سوست کراکرم ہائی وے میں پاکستان کا آخری قصبہ ہے، افتتاحی تقریب میں چینی حکام کے ساتھ ساتھ گلگت بلتستان کے وزیراعلیٰ حفیظ الرحمٰن اور فورس کمانڈر ثاقب محمود ملک نے بھی شرکت کی۔

وزیر اعلیٰ گلگت بلتستان حفیظ الرحمٰن کا کہنا تھا کہ حکومت نے گلگت بلتستان کیلئے باہتر ارب روپے کے ترقیاتی منصوبوں کا اعلان کیا، جس سے علاقے میں ٹیکنولوجیکل بہتری آئے گی۔

خیال رہے کہ رواں سال اگست میں گوادر پورٹ اتھارٹی کے چیئرمین دوستین جمالدینی کا کہنا تھا کہ پاک چین اقتصادی راہداری کے منصوبے پر پیشرفت کا آغاز ہوگیا ہے، اگلے چند ماہ کے دوران گوادر میں تین
بڑے منصوبوں پر کام شروع ہوجائے گا۔

Print Friendly, PDF & Email

Comments

comments

یہ بھی پڑھیں