The news is by your side.

Advertisement

سی پیک منصوبوں کی مقررہ ٹائم فریم میں تکمیل حکومت کی اولین ترجیح ہے، عمران خان

اسلام آباد : وزیر اعظم عمران خان نے کہا ہے کہ پاک چین اقتصادی راہداری منصوبوں کی مقررہ ٹائم فریم میں تکمیل اولین ترجیح ہے، سی پیک کی تکمیل سے دونوں ممالک کے علاوہ پورا خطہ بھی مستفید ہوگا۔

ان خیالات کا اظہار انہوں نے سی پیک سے متعلق اجلاس سے خطاب کرتے ہوئے کیا۔ تفصیلات کے مطابق اسلام آباد میں وزیر اعظم عمران خان کی زیرصدارت پاک چین اقتصادی راہداری سے متعلق اجلاس منعقد ہوا۔

اجلاس میں وفاقی وزراء خسروبختیار، مرادسعید، عمرایوب ، عبدالرزاق داؤد سمیت فردوس عاشق اعوان، ندیم بابر، چیئرمین سرمایہ کاری بورڈ، متعلقہ وفاقی وزارتوں کے سیکریٹریز کے علاوہ چیف سیکریٹری پنجاب، چیف سیکریٹری بلوچستان اور ایڈیشنل چیف سیکرٹری کے پی بھی شریک تھے۔

اجلاس میں مختلف منصوبوں پرپیش رفت کاجائزہ لیا گیا، وفاقی وزیر خسروبختیار نے توانائی، انفراسٹرکچر، اورنج لائن، ایم ایل ون سے متعلق تفصیلات بیان کیں، گوادرپورٹ اور دیگر اہم منصوبوں پر اب تک کی پیش رفت سے آگاہ کیا گیا۔

اس کے علاوہ اجلاس میں توانائی کے شعبےمیں پورٹ قاسم کول فائرڈ پاور پلانٹ، گوادرپاور پلانٹ کوہالہ ہائیڈروپاور، حبکو تھرکول، تھل کول پاورپراجیکٹ پرپیش رفت کا جائزہ لیا گیا۔

اجلاس کو بتایا گیا کہ ملتان سکھر موٹر وے ایم 5مکمل کی جا چکی ہے، اس کا افتتاح جلد کردیاجائے گا، اجلاس میں ایم ایل ون منصوبے پر پیشرفت پر بھی تفصیلی بریفنگ دی گئی، اجلاس میں پی ٹی وی کے نشریاتی نظام کوڈیجیٹل سسٹم میں تبدیل کرنےکی منظوری دی گئی۔

اجلاس سے خطاب کرتے ہوئے وزیر اعظم عمران خان نے کہا کہ سی پیک دونوں ممالک کی ہمہ جہتی، تزویراتی شراکت داری کا عملی نمونہ ہے سی پیک منصوبوں کی مقررہ ٹائم فریم میں تکمیل اولین ترجیح ہے۔

انہوں نے کہا کہ منصوبوں پرپیشرفت کویقینی بنانےکیلئےاتھارٹی کاقیام عمل میں لایاجارہا ہے، سی پیک کی تکمیل سے نہ صرف دونوں ممالک بلکہ پورا خطہ مستفید ہوگا۔

Comments

comments

یہ بھی پڑھیں