سی پیک سےپاکستان میں صنعتی انقلاب آئےگا‘ احسن اقبال -
The news is by your side.

Advertisement

سی پیک سےپاکستان میں صنعتی انقلاب آئےگا‘ احسن اقبال

اسلام آباد: وفاقی وزیر احسن اقبال کا کہنہےکہ سی پیک منصوبے سے ملک میں صنعتی انقلاب میں مدد ملے گی۔

تفصیلات کےمطابق وفاقی دارالحکومت اسلام آباد میں وفاقی وزیر برائے منصوبہ بندی احسن اقبال نے بلوچستان سےتعلق رکھنے والے پارٹی کارکنوں اور نوجوانوں کے وفود سےبات کرتےہوئےکہا کہ توانائی،بنیادی ڈھانچےاور بندرگاہوں کےشعبوں میں منصوبوں سےملک میں صنعتی سرگرمیوں کو فروغ ملےگا۔

احسن اقبال کاکہناتھاکہ گوادرمیں جلد بین الاقوامی معیار کی یونیورسٹی کی تعمیر کے بعد یہ جدید تعلیم کےمراکز کی فہرست میں شامل ہو جائے گا۔

وفاقی وزیر برائے منصوبہ بندی احسن اقبال نے کہا کہ پاک چین اقتصادی راہداری کے بارے میں وفاق کی تمام اکائیوں میں اتفاق رائے ہے۔ان کا کہناتھاکہ صوبائی حکومتیں اس کی جلد تکمیل کےلیے مل کر کام کر رہی ہیں۔


پاک چین اقتصادی راہداری ترقی اورخوشحالی کی راہداری ہے‘ چینی سفیر


یاد رہےکہ گزشتہ ماہ چینی سفیر سن وی ڈونگ کاکہناتھاکہ سی پیک صرف پاکستان اور چین کےلیے ہی نہیں پورے خطے کی ترقی کا باعث بنےگا۔


سی پیک وزیراعظم نوازشریف کی کوششوں کانتیجہ ہے‘ وزیرپٹرولیم


واضح رہےکہ گزشتہ ہفتےوفاقی وفاقی وزیر شاہد خاقان عباسی کا کہناتھاکہ پاک چین اقتصادی راہداری منصوبہ ملکی معیشت اور اس کی ترقی کے لیے ایک سنگ میل ثابت ہوگا۔

Comments

comments

یہ بھی پڑھیں