The news is by your side.

Advertisement

پاک چین اقتصادی راہداری کو متنازعہ نہیں بننے دیں گے، سعد رفیق

لاہور: وفاقی وزیرریلوے خواجہ سعد رفیق نے کہا ہے کہ وزیراعظم نے ریلوے کے حوالے سے جو ٹارگٹ دیا تھا وہ پورا ہوچکا ہے، ریل کا پہیہ چل چکا ہے۔

لاہور میں ترقیاتی منصوبے کے افتتاح کے بعد تقریب سے خطاب کرتے ہوئے خواجہ سعد رفیق نے کہا کہ اس سال ریلوے نے بتیس ارب روپے کا ٹارگٹ مختص کیا لیکن ہم اڑتیس روپے منافع کمائیں گے۔

انھوں نے کہا کہ موجودہ دور حکومت میں آئے روز نئے منصوبوں کا آغاز ہوتا ہے اورنج لائن ٹرین اور بجلی کے منصوبے اس کی مثال ہیں۔

وزیر ریلوے نے کہا کہ زرداری اور مشرف کو کسی نے نہیں روکا تھا کہ وہ بجلی کے منصوبوں پر کام کریں لیکن ان کے دور ِحکومت میں پاکستان آگے کے بجائے پیچھے گیا ہے۔

ان کا کہنا تھا کہ عمران خان کو اپوزیشن کی سنجیدہ سیاست کا مینڈیٹ ملا ہے لہذاانھیں اسمبلی میں اپنا کردارادا کرنا چاہیے۔

سعد رفیق کا کہنا تھا پاک چائنہ اکنامک کوریڈور خطے میں گیم چینجرثابت ہوگالہذااسے کالا باغ ڈیم منصوبے کی طرح متنازعہ نہیں بننے دیں گے۔

Print Friendly, PDF & Email

Comments

comments

یہ بھی پڑھیں