The news is by your side.

Advertisement

سی پیک منصوبہ خطے کی تقدیر بدل دے گا، فردوس عاشق اعوان

اسلام آباد: معاون خصوصی برائے اطلاعات فردوس عاشق اعوان نے کہا کہ سی پیک منصوبے سے خطے کی تقدیر بدل جائے گی اور خوشحالی کے ایک نئے دور کا آغاز ہوگا۔

تفصیلات کے مطابق وفاقی دارالحکومت اسلام آباد میں تقریب سے خطاب کرتے ہوئے ڈاکٹر فردوس عاشق اعوان نے کہا کہ حکومت سی پیک سے متعلق تمام منصوبوں پر تیزی سے عملدرآمد کے لیے پرعزم ہے۔

معاون خصوصی برائے اطلاعات نے کہا کہ سی پیک منصوبے سے خطے کی تقدیر بدل جائے گی اور خوشحالی کے ایک نئے دور کا آغاز ہوگا۔ انہوں نے سی پیک منصوبوں میں سرمایہ کاری کو سہولت فراہم کرنے سے متعلق حکومت کے عزم کا بھی اظہار کیا۔

ڈاکٹر فردوس عاشق اعوان نے کہا کہ ون بیلٹ ون روڈ پراجیکٹ نے دنیا کو ایک کمیونٹی میں تبدیل کر دیا ہے۔

کوئی کہتا ہے کہ سی پیک سے ہمارا قرضہ بڑھے گا تو یہ غلط ہے: وزیر خارجہ

یاد رہے کہ گزشتہ ماہ وزیر خارجہ شاہ محمود قریشی کا کہنا تھا کہ سی پیک گیم چینجر ہے معاشی طور پر ہماری تبدیلی کا باعث بنے گا، کوئی کہتا ہے کہ سی پیک سے ہمارا قرضہ بڑھے گا تو یہ غلط ہے۔

شاہ محمود قریشی کا کہنا تھا کہ پاکستان امریکی نائب وزیر خارجہ ایلس ویلز کی رائے سے متفق نہیں ہے اس لیے ان کی رائے کو مسترد کر دیا گیا ہے، ایلس ویلز کی رائے کا سی پیک پر کوئی اثر نہیں پڑے گا۔

Comments

یہ بھی پڑھیں