اسلام آباد: سیکریٹری خارجہ اعزازچوہدری کا کہناہےکہ پاک چین اقتصادی راہداری صرف پاکستان نہیں بلکہ ای سی او ارکان کے لیے مفید ثابت ہوگا۔
تفصیلات کےمطابق اسلام آباد میں ہونے والے ای سی او کےاجلاس سے خطاب میں سیکریٹری خارجہ اعزاز چودھری کا کہناتھاکہ 13ویں اجلاس کی میزبانی ہمارے لیے اعزاز ہے ،پاکستان ای سی او کو انتہائی اہمیت دیتا ہے۔
وفاقی دارالحکومت میں ہونے والےاجلاس میں اقتصادی تعاون تنظیم کےاجلاس میں سیکریٹری خارجہ اعزاز چودھری کو ای سی اوسینئر حکام کاچیئرمین منتخب کرلیاگیا۔
اعزازچوہدری کا کہناتھاکہ اقتصادی تعاون تنظیم کا سربراہی اجلاس یکم مارچ کو اسلام آباد میں ہوگا،اجلاس کا مقصد خطے کے استحکام کا حصول ہے،انہوں نےکہاکہ ای سی اوکےتحت کابل میں افغانستان پر کانفرنس کاخیرمقدم کرتےہیں۔
واضح رہےکہ اقتصادی تعاون تنظیم کےسیکریٹری جنرل خلیل ابراہیم کا کہناتھاکہ اجلاس کےانعقاد سےمقصد کےحصول میں کامیابی حاصل ہوگی،تجارت ،توانائی،مواصلات سمیت مختلف شعبوں میں نئی راہیں کھلیں گی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں