چینی شہر کن منگ سے کراچی‘ ریل سروس کا آغاز -
The news is by your side.

Advertisement

چینی شہر کن منگ سے کراچی‘ ریل سروس کا آغاز

کراچی: پاکستان اور چین کے درمیان براہ راست ریل اور فریٹ سروس کا آغاز کردیا گیا ہے‘ یہ سروس جنوب مغربی چینی صوبے ین آن کو کراچی سے منسلک کررہی ہے۔

تفصیلات کے مطابق بروز بدھ کارگوٹرین نئے تجارتی راستے کا افتتاح کرتے ہوئے پانچ سو ٹن سامان لے کر ین آن کے دارالحکومت کن منگ سے کراچی کے لیے روانہ ہوئی ہے۔

یاد رہے کہ اس فریٹ لائن سے تجارت میں ٹرانسپورٹیشن کا خرچہ ماضی کی دیگر سروسز کی نسبت پچاس فیصد کم ہوجائے گا۔

نیو سلک روٹ ین آن لمیٹڈ کے ووُ ژیان لائی کے مطابق سامانِ تجارت چینی شہر گنسو سے پاکستان بھیجا جائے گا۔ انہوں نے مزید کہا کہ یہ منصوبہ سمندری شاہراہ ریشم کا حصہ ہے اور اس سے مقامی کمپنیوں کو عالمی منڈیوں تک رسائی میں مدد ملے گی۔

یہ سہولت میری ٹائم سلک روٹ انیشی ایٹوکا حصہ ہے جو کہ چین کے مغربی حصے کو دنیا سے منسلک کرتی ہے‘ اسی منصوبے کو مزید ترقی دے کر پا ک چین اکانومک کاریڈور کا نام دیا گیا ہے۔

Comments

comments

یہ بھی پڑھیں