The news is by your side.

Advertisement

رواں سال جرائم کی شرح میں کمی واقع ہوئی: سی پی ایل سی

کراچی: سی پی ایل سی نے جرائم کےواقعات پرماہانہ رپورٹ جاری کردی ہے، ترجمان سی پی ایل سی کا کہنا ہے کہ گزشتہ سال کی نسبت رواں سال جرائم کی شرح میں کمی واقع ہوئی ہے
.
تفصیلات کے مطابق سی پی ایل سی نے ماہانہ کارکردگی کے حوالے سے جاری کردہ رپورٹ میں کہا ہے کہ گزشتہ سال کی نسبت رواں سال جرائم کی شرح میں کمی آئی ہے، رپورٹ کے مطابق سال کےپہلے24دنوں میں 886شہری موبائل فون سےمحروم ہوئے ہیں جبکہ اسلحےکےزورپر84موٹرسائیکل سواروں سےانکی سواری چھینے جانے کے واقعات رونما ہوئے ہیں۔

دیگر تفصیلات کے مطابق رواں ماہ کارلفٹرزنے18شہریوں کوگاڑی سےمحروم کیا گیا اور 83گاڑیاں 1333موٹرسائیکلیں،1077موبائل فون چوری ہوئے جبکہ رواں ماہ بھتہ خوری کے4واقعات رپورٹ ہوئے ہیں، اس کے علاوہ ایک بینک ڈکیتی اوراغوابرائےتاوان کاایک کیس رپورٹ ہوا۔

سی پی ایل سی کی رپورٹ کے مطابق مختلف واقعات میں 26افراد موت کے گھاٹ اترگئے ہیں۔

علاوہ ازاں اغوا کے کیس اےوی سی سی اورسی پی ایل سی نےکامیابی سےحل کیے، سی پی ایل سی کے ترجمان کا کہنا ہے کہ گزشتہ سال کی نسبت رواں سال جرائم کی شرح میں کمی ہوئی ہے.

یاد رہے :وزیراعلیٰ سندھ اسٹریٹ کرائم کے خلاف متحرک

واضح رہے چند روز قبل وزیراعلی سندھ نے شہر میں‌ بڑھتے ہوئے اسٹرائٹ کرائمز پر تشویش کا اظہار کیا تھا، مراد علی شاہ نے اس کے فوری روک تھام کے لئے ہداہات جاری کی تھیں.

Print Friendly, PDF & Email

Comments

comments

یہ بھی پڑھیں