The news is by your side.

ماہانہ فیول ایڈجسٹمنٹ : صارفین کے لئے بڑی خوشخبری آگئی

اسلام آباد : بجلی 2 روپے 19 پیسے فی یونٹ سستی ہونے کا امکان ہے ، کمی دسمبرکی ماہانہ فیول ایڈجسٹمنٹ کی مد میں کی جائے گی۔

تفصیلات کے مطابق سینٹرل پاور پرچیزنگ ایجنسی (سی پی پی اے) نے بجلی 2 روپے19 پیسے فی یونٹ سستی کرنے کی درخواست دے دی ، کمی دسمبرکی ماہانہ فیول ایڈجسٹمنٹ کی مد میں مانگی گئی ہے

درخواست میں بتایا گیا کہ دسمبرمیں پانی سے20.44،کوئلےسے18.07فیصد، فرنس آئل سے0.46 گیس سے 15.13 فیصد بجلی پیدا کی گئی۔

درآمدی ایل این جی سے 13.71 فیصد جوہری ایندھن سے 27.15 فیصد بجلی اور دسمبر میں 8 ارب 9 کروڑ 60 لاکھ یونٹس سے زائد بجلی پیدا کی گئی۔

دسمبر کے لئے ریفرنس لاگت 9 روپے 31 پیسے فی یونٹ مقرر تھی اور بجلی کی پیداواری لاگت 7 روپے 11 پیسے فی یونٹ رہی۔

سی پی پی اے کی درخواست پر نیپرا 30 جنوری کو سماعت کرے گا۔

گذشتہ روز کے الیکٹرک نے نیپرا کو بجلی 10 روپے 26 پیسے فی یونٹ سستی کرنے کی درخواست دی تھی۔

یپرا کی جانب سے کے الیکٹرک کی درخواست پر 30 جنوری کو سماعت ہوگی، اگر نیپرا کی جانب سے اس درخواست پر من و عن کمی کی گئی، تو کے الیکٹرک صارفین کو 12 ارب روپے سے زائد کا ریلیف ملے گا۔

Comments

یہ بھی پڑھیں