The news is by your side.

Advertisement

پنجاب میں غیر قانونی دندان سازوں کے خلاف کریک ڈاؤن کاحکم

لاہور: صوبائی وزیرصحت ڈاکٹریاسمین راشدنے پنجاب بھرکے غیرقانونی طورپرکاروبار کرنے والے دندان سازوں کے خلاف گرینڈآپریشن کرنے کاحکم دے دیا۔

تفصیلات کے مطابق صوبائی وزیر صحت نے یہ حکم یونیورسٹی آف ہیلتھ سائنسزمیں پہلی بین الاقوامی ڈینٹل کانفرنس میں بطورمہمان خصوصی شرکت کے دوران خطاب میں دیا۔ اس موقع پر پروفیسر جاویداکرم، ڈاکٹرسارہ، سینئرڈاکٹرز، سرجنز، فیکلٹی ممبران اور مختلف شعبہ ہائے زندگی سے تعلق رکھنے والی نمایاں شخصیات نے شرکت کی۔

ڈاکٹرسارہ نے کانفرنس کی اہمیت بارے بریفنگ دی۔کانفرنس کے تمام شرکاءنے محکمہ صحت پنجاب کا سالانہ بجٹ بڑھانے پرحکومت پنجاب اوروزیرصحت کوخراج تحسین پیش کیا۔

وزیرصحت پنجاب ڈاکٹریاسمین راشدنے یونیورسٹی آف ہیلتھ سائنسزمیں پہلی بین الاقوامی ڈینٹل کانفرنس کے شرکاءسے خطاب کرتے ہوئے کہاکہ صحت کے ہرشعبہ میں ریسرچ کی بہت زیادہ اہمیت ہے۔ پنجاب حکومت سرکاری ہسپتالوں میں حقیقی تبدیلی لانے کیلئے بنیادی اقدامات اٹھارہی ہے۔

سابق کرپٹ حکومت اربوں روپے کی کرپشن کرکے تمام شروع کئے جانے والے ترقیاتی منصوبے ادھورے چھوڑکرذاتی اثاثے بڑھاتی رہی۔صوبائی وزیر صحت نے مزیدکہاکہ ورکشاپس کے ذریعے شرکاءاورخاص طورپرمیڈیکل طالبعلموں میں آگاہی پیداہوگی۔ طالب علموں کی آگاہی کیلئے کانفرنسزاورورکشاپس مستقل بنیادوں پرمنعقدہونی چاہئیں۔

ان کا کہنا تھا کہ پنجاب بھرمیں دانتوں کی بیماریوں میں مبتلامریضوں کامکمل ڈیٹابیس مرتب ہوناچاہئیے۔دنیامیں پیداہونے والے ہرانسان کاپیدائش سے لے کر تمام عمر ڈینٹل چیک اپ ضرورکیاجاتاہے۔ وزیر صحت نے شاندارکانفرنس کے انعقادپرانتظامیہ کوشاباش اورمبارک باد بھی دی۔

Comments

comments

یہ بھی پڑھیں