لاہور: پولیس کا پتنگ بازوں کے خلاف کریک ڈاؤن -
The news is by your side.

Advertisement

لاہور: پولیس کا پتنگ بازوں کے خلاف کریک ڈاؤن

لاہور: پولیس نے پتنگ بازوں کے خلاف کریک ڈاؤن کرتے ہوئے مختلف علاقوں سے 70 پتنگ باز گرفتار کر لیے۔

تفصیلات کے مطابق آج گوجرانوالہ کے علاقے مجاہد پورہ میں پتنگ کی ڈور سے ایک اور بچہ شدید زخمی ہونے کے بعد لاہور میں پولیس پتنگ بازوں کے خلاف متحرک ہو گئی۔

پولیس نے 70 پتنگ باز گرفتار کر کے ان کے خلاف مقدمہ درج کر لیا۔

لاہور پولیس نے مختلف علاقوں سے 70 پتنگ باز گرفتار کر کے ان کے خلاف مقدمہ درج کر لیا۔

ترجمان پولیس کا کہنا ہے کہ مختلف علاقوں سے کریک ڈاؤن کے دوران سیکڑوں پتنگیں اور چرخیاں بھی برآمد کی گئیں۔

پولیس کے ترجمان کے مطابق سٹی ڈویژن سے 15، کینٹ سے 13، ماڈل ٹاؤن سے 17، اقبال ٹاؤن سے 8، سول لائن سے 2، جب کہ صدر ڈویژن سے 15 پتنگ باز گرفتار کیے گئے۔

خیال رہے کہ آج گوجرانوالہ کے علاقے مجاہد پورہ میں پتنگ کی ڈور سے ایک اور بچے کا گلا کٹ گیا، بچے کو انتہائی تشویش ناک حالت میں ڈی ایچ کیو اسپتال پہنچایا گیا۔

یہ بھی پڑھیں:  گوجرانوالہ: پتنگ کی ڈور سے ایک اور بچے کا گلا کٹ گیا

تین سالہ بچہ ابراہیم اپنے والد کے ساتھ موٹر سائیکل پر مارکیٹ جا رہا تھا کہ پتنگ کی ڈور گلے پر پھرنے سے وہ شدید زخمی ہو گیا۔

حکومت کی جانب سے تواتر سے اموات کے باعث پتنگ بازی پر پابندی عائد ہے، تاہم پابندی کے قانون پر پولیس کی جانب سے خاطر خواہ عمل درآمد نہیں کیا جاتا۔

Comments

comments

یہ بھی پڑھیں