The news is by your side.

Advertisement

سرجیکل ماسک مہنگے داموں فروخت کرنے والوں کے خلاف کریک ڈاؤن شروع

اسلام آباد: وزیر اعظم عمران خان کی ہدایت مہنگے داموں سرجیکل ماسک فروخت کرنے والوں کے خلاف کارروائی کا آغاز کردیا گیا۔

نمائندہ اے آر وائی نیوز کی رپورٹ کے مطابق وزیراعظم نے کرونا وائرس کے بعد ماسک مہنگےداموں فروخت کرنے اور ذخیرہ اندوزوں کے خلاف نوٹس لے کر انتظامیہ کو کریک ڈاؤن کا حکم دیا۔

راولپنڈی کی ضلعی انتظامیہ نے وزیراعظم کی ہدایت پرمہنگےداموں ماسک بنانے والی فیکٹری پر چھاپہ مارا گیا، جس کے دوران اضافی قیمت پر ماسک فروخت کرنے والے فیکٹری مالک کو حراست میں لیا گیا۔

راولپنڈی میں 12 روپے والا ماسک چالیس روپے میں فروخت ہورہا تھا، انتظامیہ نے فیکٹری سے 20 ہزار ماسک برآمد کرلیے۔ علاوہ ازیں وزیراعظم کی ہدایت پر دیگر شہروں میں بھی ٹیم نے ذخیرہ اندوزوں کے خلاف کریک ڈاؤن شروع کردیا۔

یاد رہے کہ ایک روز قبل پاکستان میں کرونا وائرس کے دو کیسز سامنے آئے تھے، جس کے بعد ماسک فروخت کرنے والوں نے قیمتوں میں ہوشربا اضافہ کردیا تھا۔ ماسک کی اضافی قیمت اور مارکیٹ میں عدم دستیابی کی وجہ سے شہری بہت زیادہ پریشانی کا شکار بھی تھے۔

fb-share-icon0
Tweet 20

Comments

comments

یہ بھی پڑھیں