بغیر ہیلمٹ موٹرسائیکل والے اہلکاروں کیخلاف کریک ڈاؤن کا آغاز، کئی افسران واہلکاروں کا چالان
The news is by your side.

Advertisement

بغیر ہیلمٹ موٹرسائیکل والے اہلکاروں کیخلاف کریک ڈاؤن کا آغاز، کئی افسران واہلکاروں کا چالان

کرچی : ایڈیشنل آئی جی کراچی امیر شیخ کا سخت حکم نامہ اہلکاروں کےلیے پریشانی بن گیا، بغیر ہیلمٹ موٹرسائیکل والے اہلکاروں کیخلاف کریک ڈاؤن میں کئی افسران واہلکاروں کےچالان کردیئے گئے۔

تفصیلات کے مطابق ایڈیشنل آئی جی کراچی امیر شیخ کے احکامات پر ٹریفک پولیس نے بغیر ہیلمٹ موٹرسائیکل والے اہلکاروں کیخلاف کریک ڈاؤن کا آغاز کردیا، کریک ڈاؤن میں کئی افسران و اہلکاروں کے چالان کردیئے۔

ٹریفک پولیس نے ہیلمٹ ہوتے ہوئے نہ پہننے پر 3ٹریفک اہلکاروں کا بھی چالان کیا گیا ، تمام افسران اور اہلکاروں کو موقع پر چالان کاٹ کر سلپ پکڑا دی۔

کالی اور سفید وردی والے روکے جانے پر ہکا بکاہ رہ گئے، اہلکاروں نے ٹریفک پولیس اہلکاروں سے سوال کیا کیا ہمارا بھی چالان ہوگا؟

یاد رہے 4 روز قبل کراچی پولیس چیف امیر احمد شیخ نے پولیس والوں کے لیے حکم نامہ جاری کیا تھا اور ڈی آئی جی ٹریفک کو ٹریفک قوانین کے تحت ایکشن لینے کی ہدایت کی تھی۔

مزید پڑھیں : پولیس اہلکاروں نے ٹریفک قانون توڑا تو کارروائی کا سامنا کرنا پڑے گا، کراچی پولیس چیف

حکم نامہ میں کہا گیا تھا کہ قانون کی خلاف ورزی پر جرمانہ بھی ہوگا اور سزا بھی دی جائے گی، اہلکار ٹریفک قوانین کی پاسداری کریں، موٹر سائیکل چلاتے ہوئے ہیلمٹ کا استعمال کریں۔

حکم نامے میں کے مطابق پولیس افسران اورملازمین کو ٹریفک قوانین کی خلاف ورزی کرتے پایا گیا ، افسران نہ سگنل پررکتے ہیں نہ رانگ وےرولز کی پاسداری کرتے ہیں، کسی بھی جگہ سڑک کے بیچ گاڑی کھڑی کردیتے ہیں اور ڈیوٹی پر ہوں یا آف ڈیوٹی ہیلمٹ کا استعمال بھی نہیں کرتے۔

کراچی پولیس چیف کا کہنا تھا کہ ہنگامی صورتحال کے علاوہ ٹریفک قوانین کی خلاف ورزی نہ کی جائے، پولیس والے کو ہیلمٹ بھی پہننا اور لائسنس ہمراہ رکھنا لازمی ہوگا۔

Comments

comments

یہ بھی پڑھیں