ریاض: سعودی عرب میں رمضان کے دوران کرپشن کرنے والوں کے خلاف کارروائیاں تیز کردی گئیں۔
عرب میڈیا کی رپورٹ کے مطابق سعودی محکمہ انسداد بدعنونی کا کہنا ہے کہ ماہ رمضان کے دوران مملکت میں کرپشن کے خلاف کریک ڈاؤن سخت کیا گیا اور رواں ماہ کے دوران بدعنونی سے متعلق 117 کیسز نمٹائے گئے۔
سعودی اینٹی گرافٹ واچ ڈاگ کے مطابق ملک میں وائٹ کالر کرپشن کرنے والوں کے خلاف بھی قانون کا گھیرا مزید تنگ کررہے ہیں، جن مذکورہ کیسز کی تحقیقات مکمل ہوئیں ان میں مالی اور انتظامیہ بے ضابطگیاں بھی شامل ہیں۔
سعودی عرب: کرپشن کرنے والوں کا عبرتناک انجام
مملکت میں کرپشن کو روکنے اور اس کے خلاف کام کرنے والے انتہائی متحرک ادارے ’ اینٹی گرافٹ واچ ڈاگ‘ نے اپنی حالیہ کارروائیاں سے متعلق آگاہ کیا۔ محکمے نے رمضان کے دوران ان ملزمان کے خلاف اپنی حکمت عملی تیز کی جو رشوت، جعلسازی، اثر ورسوخ اور انتظامی اتھارٹی کے غلط استعمال میں ملوث رہے۔
ادارے کی جانب سے کارروائیوں کا سلسلہ مزید جاری ہے۔
یاد رہے کہ رواں سال کے آغاز میں سعودی عرب میں بڑے کرپشن اسکینڈل کا انکشاف ہوا تھا جس کے بعد جازان ریجن کی 4 کمشنریوں میں کام کرنے والی میونسپلٹی میں 36 ملین (3 کروڑ 60 لاکھ) ریال یعنی لگ بھگ ڈیڑھ ارب پاکستانی روپے کی کرپشن کی تفتیش کا سلسلہ جاری ہے۔
