کراچی: شہرِقائد کے علاقے نارتھ ناظم آباد میں مجلس عزاء کے دوران کریکردھماکہ ہوا جس کے نتیجے میں تین افراد زخمی ہوگئے ہیں۔
تفصیلات کے مطابق نارتھ ناظم آباد میں واقع امام بارگاہ حسینیہ سجادیہ پرنامعلوم افراد کریکربم پھینک کرفرار ہوگئے۔
دھماکے کے نتیجے میں امام بارگاہ کے باہر موجود افراد میں سے تین زخمی ہوگئے ہیں جنہیں اسپتال منتقل کردیا گیا ہے۔
دھماکے سے امام بارگاہ کے دروازے کو بھی جزوی نقصان پہنچاہے، پولیس اور رینجرز کی بھاری نفری جائے وقوعہ پر پہنچ گئی ہے۔
اے آروائی نیوز نے جب اس معاملے پر ڈسٹرکٹ سنٹرل پولیس کے اعلیٰ افسران سے رابطہ کیا تو وہ حیرت انگیز طور پر اس معاملے سے لاعلم نکلے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں