بندرگاہ پر کشتی کو نکالنے کے دوران کرین کیبل ٹوٹنے کے باعث سمندر میں جا گری جس کی ویڈیو وائرل ہوگئی۔
یہ حادثہ تھائی لینڈ کے صوبے پاتانی میں ایک بندرگاہ پر پیش آیا جہاں دو کرین ایک کشتی کو سمندر سے نکالنے میں مصروف تھے۔ کشتی کو مرمت کے لیے نکالا جا رہا تھا۔
لفٹنگ کے دوران کشتی میں باندھی گئی کرین کی ایک کیبل ٹوٹ گئی جس کے وجہ سے کرین توازن برقرار نہ رکھ سکی اور سمندر میں جا گری۔
اس حادثے میں کرین میں موجود ڈرائیور خوش قسمتی سے زندہ بچ نکلا مگر اس کی ایک ٹانگ ٹوٹ گئی۔ ڈرائیور کو فوری طور پر اسپتال منتقل کر دیا گیا۔
کرین کمپنی نے زخمی ڈرائیور کے علاج کے اخراجات اٹھانے کا اعلان کیا ہے۔
کمپنی کے ترجمان نے کا کہنا ہے کہ ٹانگ ٹوٹنا ڈرائیور کی بد قسمتی تھی لیکن خوشی قسمتی سے وہ زندہ ہے، کمپنی زخمی ڈرائیور کو مالی امداد فراہم کرے گی کیوں کہ ہمارے نزدیک انسانی زندگی کی بہت اہمیت ہے۔