The news is by your side.

Advertisement

حرم شریف کے توسیعی حصے میں کام کے دوران کرین الٹ گئی

مکہ مکرمہ: حرم شریف کے توسیعی حصے میں کام کے دوران کرین الٹ گئی، حادثے میں کرین آپریٹر معمولی زخمی ہوگیا۔

ذرائع حرم انتظامیہ کے مطابق حادثے کا مقام نماز کی جگہ سے دور ہے، حادثے میں کوئی جانی نقصان نہیں ہوا ہے، عرب میڈیا کے مطابق مکہ کے حکام نے اس حوالے سے سماجی رابطے کی ویب سائٹ ٹویٹر پر اطلاع دی ہے کہ موبائل کرین کے واقعے میں صرف اس کا ڈرائیور زخمی ہوا اور کوئی شخص زخمی نہیں ہوا ہے۔

اس موبائل کرین گرنے کی تصاویر بھی شیئر کی گئی ہیں جن سے یہ ظاہر ہوتا ہے کہ ایک زیر تعمیر مخصوص جگہ پر گری ہے اور اس جگہ پر عام لوگوں کا گزر نہیں ہوتا ہے۔

واضح رہے کہ مکہ مکرمہ میں تین سال قبل ہونے والے کرین حادثے میں 111 حجاج شہید اور 394 زخمی ہوگئے تھے۔

خیال رہے کہ بن لادن کمپنی کے کئی انجینئرز، عہدیداروں او رملازمین کو سنہ 2015ءمیں حرمِ مکہ میں ہونے والے اس اندوہنا کرین کے حادثے کا ذمہ دار قرار دیا گیا تھا، بعدازاں فوجداری عدالت نے حرم کرین کے 13ملزمان کو جملہ الزامات سے بری کردیا تھا۔

یاد رہے کہ ابتدائی فیصلے میں کہا گیا ہے کہ پبلک پراسیکیوشن کی جانب سے حرم کرین کے ملزمان پر جو فرد جرم عائد کی گئی تھی اس سے تمام ملزمان بری ہیں کوئی بھی کسی بھی الزام ثابت نہیں ہوا تھا۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Print Friendly, PDF & Email

Comments

comments

یہ بھی پڑھیں