آسٹریلیا نے دورہ جنوبی افریقا سے ہاتھ کھڑے کر دیے، کینگروز نے پروٹیز کو ہری جھنڈی دکھا دی۔
کرکٹ آسٹریلیا نے کورونا وبا کو وجوہات بناتے ہوئے جنوبی افریقا کا دورہ منسوخ کر دیا ہے۔ کرکٹ آسٹریلیا کا کہنا ہے کہ جنوبی افریقا میں کورونا وبا کی دوسری لہر اور نئی اقسام کے پیش نظر کھلاڑی کی صحت کی خاطر دورہ منسوخ کیا گیا ہے۔
کرکٹ آسٹریلیا کی جانب سے جاری بیان میں کہا گیا ہے کہ اس صورتحال میں دورہ منسوخ کرنے پر افسوس ہے لیکن ہم جنوبی افریقا سے سیریز کھیلنے کے لیے بہتر وقت کا انتظار کر رہے ہیں۔
Today we informed Cricket South Africa that we believe we have no choice but to postpone the forthcoming Qantas Tour of South Africa due to the coronavirus pandemic. Full statement 👇 pic.twitter.com/mYjqNpkYjp
— Cricket Australia (@CricketAus) February 2, 2021
بیان میں کہا گیا ہے کہ جنوبی افریقا میں صورتحال نارمل ہوتے ہی ٹیم کو دورے پر بھیجا جائے گا۔ کرکٹ آسٹریلیا نے دورہ کے انعقاد کے لیے کوششیں کرنے پر جنوبی افریقا کا شکریہ ادا کیا۔
آسٹریلیا کے دورہ منسوخ کرنے پر کرکٹ جنوبی افریقا نے ردعمل میں کہا ہے کہ آسٹریلیا کا دورہ منسوخ کرنا افسوسناک ہے، ہم نےکورونا سے نمٹنے کیلئے تمام اقدامات اٹھائے تھے۔
ANNOUNCEMENT: Cricket South Africa was informed by Cricket Australia that their scheduled tour to SA will not be going ahead due to Covid-19 fears.
“We are extremely disappointed by the decision of CA,” Director of Cricket, Graeme Smith, stated. 🗣 pic.twitter.com/NW0ZfyMFbT
— Proteas Men (@ProteasMenCSA) February 2, 2021
کرکٹ جنوبی افریقا نے کہا کہ دورےپرکرکٹ جنوبی افریقہ کی کافی رقم خرچ ہوچکی ہے، بڑے اور امیر ممالک چھوٹے ملکوں کاخیال نہیں کر رہے۔
