تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

شائقین کرکٹ کو گراؤنڈ میں آنے کی اجازت مل گئی

میلبرن: کورونا کے باعث کرکٹ کے میدانوں سے دور شائقین کو کرکٹ کے میدانوں میں آنے کی اجازت مل گئی۔

تفصیلات کے مطابق آئندہ ماہ بھارت اور آسٹریلیا کے درمیان 26 دسمبر کو ہونے والی باکسنگ ڈے ٹیسٹ میں 25 ہزار شائقین کو میلبرن کرکٹ گراؤنڈ میں آنے کی اجازت ہوگی۔

اسی طرح گابا ٹیسٹ میں 75 فیصد شائقین گراؤنڈ میں آسکیں گے، کرکٹ آسٹریلیا نے بھارت سے ہوم سیریز کے لیے ٹکٹوں کی فروخت کا اعلان کردیا۔

واضح رہے کہ کورونا وبا کے باعث مختلف ممالک میں کرکٹ بغیر تماشائیوں کے کھیلی جارہی ہے، آسٹریلیا کی جانب سے پہلی مرتبہ شائقین کرکٹ کو میدانوں میں آنے کی اجازت دی گئی ہے۔

آسٹریلیا اور بھارت کے درمیان 4 ٹیسٹ میچوں پر مشتمل سیریز 17 دسمبر سے شروع ہوگی، دونوں ٹیموں پہلے ٹیسٹ میں ایڈیلیڈ اوول کے میدان میں 17 سے 21 دسمبر تک مدمقابل ہوں گی۔

دونوں ٹیموں کے درمیان دوسرا ٹیسٹ 26 سے 30 دسمبر، تیسرا ٹیسٹ 7 سے 11 جنوری اور چوتھا ٹیسٹ میچ 15 سے 19 جنوری کو کھیلا جائے گا۔

خیال رہے کہ اس سے قبل کورونا وبا کی وجہ سے متعدد آسٹریلوی کھلاڑیوں نے بگ بیش لیگ کھیلنے سے انکار کردیا تھا۔

Comments

- Advertisement -