کراچی: پاکستان ٹیم کے سابق کپتان عمران خان کہتے ہیں کہ کرکٹ کے ادارے کو نجم سیٹھی سے آزاد کرانا ضروری ہے۔ پی سی بی کے پیٹرن ان چیف وزیراعظم نواز شریف نےالیکشن فکسرکوکرکٹ کو فکس کرنے کیلئےتعینات کیا ہے۔
عمران خان نے سماجی ویب سائیٹ ٹوئٹر پر کرکٹ کی بہتری کیلئے تجاویز پیش کرنے کیساتھ نجم سیٹھی پر بھی شدید تنقید کی ہے۔ قومی ٹیم کے سابق کپتان نے کہا کہ غلط تبصرےاورتجزیےکرکٹ کی ساکھ کونقصان پہنچاسکتےہیں، موجودہ صورتحال پر مثبت تجزیے اور تبصرےکیےجائیں۔
مثبت تجزیےکرکٹ کی بہتری کاباعث بن سکتےہیں۔ انھوں نے کہا کہ نیوزی لینڈ میں آبادی کم اور کرکٹ گراؤنڈ زیادہ ہیں۔ پاکستان میں زیادہ سے زیادہ کرکٹ گراؤنڈز بنائےجائیں،کیونکہ کھلاڑیوں کی کارکردگی میں تسلسل بہتر کرکٹ کھیلنےسےآئیگی۔
Comments
- Advertisement -
