کراچی : اے آر وائی نیٹ ورک کی جانب سے ناظرین کیلئے دلچسپ کرکٹ ٹورنامنٹ اے آر وائی سیلیبرٹی لیگ (اے سی ایل) کا انعقاد کیا جارہا ہے، جس میں پاکستان کے نامور فنکاروں پر مشتمل کرکٹ ٹیموں کی سب سے بڑی لیگ منعقد کی جائے گی۔
تفصیلات کے مطابق اے آر وائی ڈیجیٹل نے کرکٹکے شائقین کو خوشخبری سنادی، اب ناظرین اپنے پسندیدہ اداکاروں کو کرکٹرز کے روپ میں کھیلتا ہوا بھی دیکھیں گے۔
اے آر وائی ڈیجیٹل پر سیلیبرٹیز کا گرینڈ ٹورنامنٹ ایک خوبصورت میدان میں سجنے والا ہے، اے آر وائی سیلیبرٹی لیگ (اے سی ایل) جس میں پاکستان کے نامور شوبز ستارے اس کی شان بڑھائیں گے کیونکہ اس کا سلوگن ہے کہ ’’یہ کھیل ہے کرکٹ کا اور بازی ہے جنون کی‘‘۔
اے آر وائی سیلیبرٹی لیگ (اے سی ایل) کا آغاز آج 30جنوری بروز ہفتہ سے ہوگا جو ہر ہفتے کی رات نو بجے نشر کیا جائےگا، اس گرینڈ ٹورنامنٹ میں پانچ ٹیمیں حصہ لیں گی اور مجموعی طور پر تیس سیلیبرٹیز اس لیگ میں اپنی صلاحیتیوں کے جوہر دکھائیں گی۔
