The news is by your side.

Advertisement

روس نے کرکٹ کو کھیل ماننے سے ہی انکار کردیا

ماسکو: روس نے کرکٹ کو کھیل ماننے سے انکار کردیا، 15 جولائی کو روس میں حکم نامہ جاری کیا گیا جس میں تسلیم شدہ کھیلوں کے نام درج تھے لیکن اس فہرستمیں کرکٹ شامل نہیں تھا۔

تفصیلات کے مطابق کرکٹ کو فٹ بال کے بعد دنیا کا سب سے بڑا کھیل مانا جاتا ہے لیکن روس نے کرکٹ کو کھیل ماننے سے انکار کردیا ہے، انٹرنیشنل اولمپکس کمیٹی کی جانب سے بھی کرکٹ کو تسلیم کیا جاچکا ہے لیکن 1900 کے بعد سے اولمپکس میں اس کھیل کو نہیں کھیلا گیا۔

روس کی جانب سے سرکاری سطح پر جن کھیلوں کو تسلیم کیا گیا ہے ان میں منی گالف اور ڈراف جیسے کھیل بھی شامل ہیں لیکن کرکٹ کو کھیلنے نہیں مانا گیا ہے۔

کھیل کو تسلیم نہ کیے جانے کا یہ مطلب نہیں کہ روس میں اس کھیل کو کھیلا نہیں جاسکے گا بلکہ اس کے بجائے حکومت کی جانب سے اس کھیل کو کھیلنے کے لیے کسی بھی قسم کی معاونت یا فنڈز فراہم نہیں کیے جائیں گے۔

مزید پڑھیں: ورلڈکپ فائنل، سرلنکن امپائر نے اضافی رن دینے کی غلطی کا اعتراف کرلیا

ماسکو کرکٹ اسپورٹس فیڈریشن کے رکن الیگزینڈرا سوروکن نے کہا کہ کرکٹ کو تسلیم نہ کیے جانے کی وجہ وزارت کھیل میں جمع کرائی گئی درخواست میں غلطیاں تھیں۔

ان کا کہنا تھا کہ فیڈریشن آئندہ سال پھر درخواست دائر کرے گی اور اس مرتبہ ہم کامیابی کے لیے پرامید ہیں، اس کے ساتھ روسی حکام نے تھائی باکسنگ کو بھی کھیل ماننے سے انکار کردیا ہے۔

خیال رہے کہ روسی حکومت کا یہ فیصلہ ایک ایسے وقت میں سامنے آیا ہے جب ایک انگلینڈ کی ورلڈ کپ کی جیت کو شائقین کی جانب سے متنازع کہا جارہا ہے۔

Comments

comments

یہ بھی پڑھیں