The news is by your side.

Advertisement

بھارت میں کرکٹ سیریزکھیلنے پرتیار ہیں، شہریارخان

کراچی : پاکستان کرکٹ بورڈ (پی سی بی) کے چیئرمین شہر یارخان نے کہا ہے کہ مالی خسارہ پورا کرنے کیلئے بھارت میں کرکٹ سیریز کھیلنے پر تیار ہیں، دوطرفہ کرکٹ نہ ہونے سے پی سی بی کو مالی نقصان پہنچا ہے۔

ان خیالات کا اظہار انہوں نے کراچی پریس کلب میں میڈیا سے گفتگو کرتے ہوئے کیا، شہریار خان نے کہا کہ بھارت میں کرکٹ سیریز کھیلنے پر آمادگی ظاہر کرتے ہوئے ان کا کہنا تھا کہ دو طرفہ کرکٹ کی بحالی کیلئے قومی ٹیم بھارت بھیجنے کو تیار ہیں نیوٹرل جگہ پر بھی کھیل سکتےہیں۔

انہوں نے کہا کہ دونوں ملکوں کے درمیان سیاسی تناﺅ کے باعث کرکٹ تعلقات بھی متاثر ہوئے جس کے باعث دونوں ٹیمیں آخری مرتبہ 2012ءمیں آمنے سامنے ہوئیں اور اس کے بعد کوئی سیریز نہ ہو سکی۔

ایک سوال کے جواب میں ان کا کہنا تھا کہ اسپاٹ فکسنگ معاملے پر لیگل ٹیم بغیر کسی دباؤ کے کام کررہی ہے، چیئرمین پی سی بی کے مطابق کراچی میں انٹرنیشنل کرکٹ کی بحالی سے پہلے نیشنل اسٹیڈیم کے قریب رہائشی انتظامات جلد مکمل ہونگے۔

Print Friendly, PDF & Email

Comments

comments

یہ بھی پڑھیں