site
stats
پاکستان

میران شاہ میں یونس خان اسٹیڈیم کا افتتاح

میران شاہ: شمالی وزیرستان کے علاقے میران شاہ میں آرمی چیف جنرل راحیل شریف نے کرکٹ اسٹیڈیم اور اسپورٹس کمپلکس کا افتتاح کیا۔

تفصیلات کے مطابق آرمی چیف جنرل راحیل شریف نے دو روز قبل شمالی و جنوبی وزیرستان کا دورہ کیا تھا اور جہاں انہوں نے کئی اہم منصوبوں کا افتتاح کیا وہیں صحت مند معاشرے کی تعمیر کے لیے ضروری کھیل کی سرگرمیوں کے لیے یونس خان کرکٹ اسٹیڈیم اور اسپورٹس کمپلکس کا بھی افتتاح کیا ۔

raheel-sharif-post-1

اس منصوبے کا سنگِ بنیاد رواں سال مارچ میں رکھا گیا تھا اور اسے نو ماہ کے قلیل عرصے میں تعمیر کیا گیا ہے۔ یونس خان اسٹیڈیم کی تکمیل پاک فوج کے 45 انجینئرز ڈیویژن کے زیرِ اہتمام پایہ تکمیل تک پہنچی ہے۔

اس موقع پر آرمی چیف جنرل راحیل شریف کا کہنا تھا کہ شمالی وزیرستان سے دہشت گردوں کے نیٹ ورک کو جڑسے اکھاڑ پھینکا ہےاور ضرب عضب سے دہشت گردی کے خلاف آپریشن کے خاطر خواہ نتائج برآمد ہوئے۔

raheel-sharif-post-2

یونس خان اسٹیڈیم کے افتتاح کے موقع پر دو مقامی کرکٹ ٹیموں کے درمیان میچ بھی کھیلا گیا،اس موقع پرآرمی چیف نے قبائلی عمائدین سے بھی ملاقات کی۔

آرمی چیف نے اپنے خطاب کے دوران اس عزم کا بھی اظہار کیا کہ آئندہ نسلوں کو محفوظ اورمستحکم پاکستان دیں گے جہاں دہشت گردی کے بجائے تعلیم اور مہارت عام ہو گی۔

raheel-sharif-post-3

پاک فوج کے شعبہ تعلقات عامہ کے ادارے (آئی ایس پی آر) کے ترجمان کے مطابق آرمی چیف جنرل راحیل شریف نےاس روز شمالی وزیرستان اور جنوبی وزیرستان کا دورہ کیا اور پاک فوج کے تحت مکمل کیے گئے مختلف ترقیاتی منصوبوں کا افتتاح کیا۔

اے آر وائی نیوز کے نمائندے لئیق الرحمان کے مطابق آرمی چیف کو آپریشن ضرب عضب اور متاثرین کی بحالی کے آپریشن پر بریفنگ کے دوران بتایا گیا کہ متاثرین کی واپسی رواں سال مکمل کرلی جائے گی جس پر آرمی چیف نے متاثرین کی واپسی اور بحالی کے عمل پر اطمینان کا اظہار کیا تھا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top