کرکٹر احمد شہزاد کا ڈوپ ٹیسٹ مثبت آگیا fails dope test Ahmad Shahzad
The news is by your side.

Advertisement

کرکٹر احمد شہزاد کا ڈوپ ٹیسٹ مثبت آگیا

لاہور: قومی کرکٹر احمد شہزاد کا ڈوپ ٹیسٹ مثبت آگیا، احمد شہزاد کو تین ماہ یا اس سے زیادہ پابندی کا سامنا کرنا پڑسکتا ہے۔

تفصیلات کے مطابق کرکٹر احمد شہزاد کا ڈوپ ٹیسٹ مثبت آگیا ہے، ان کے ڈوپ ٹیسٹ کا سیمبل ڈومیسٹک میچ کے دوران لیا گیا تھا، احمد شہزاد کو تین ماہ یا اس سے زائد کی پابندی کا سامنا کرنا پڑسکتا ہے۔

ذرائع کے مطابق بورڈ تحقیقات کرے گا کہ احمد شہزاد نے کون سی ممنوعہ دوا کب اور کیوں استعمال کی تاہم کرکٹر کو بھی موقف پیش کرنے کا موقع دیا جائے گا پھر ان کی سزا کا تعین ہوگا۔

ڈوپ ٹیسٹ مثبت آنے کے بعد احمد شہزاد کی زمبابوے کے خلاف ٹی ٹوئنٹی سیریز میں شرکت پر غور نہیں کیا جائے گا، احمد شہزاد کی جگہ محمد حفیظ پاکستانی ٹیم میں شمولیت کے لیے مضبوط امیدوار ہیں۔

اوپنر بلے باز احمد شہزاد نے گزشتہ ہفتے اسکاٹ لینڈ کے خلاف دو ٹی ٹوئنٹی میچز کی سیریز میں 14 اور 24 رنز بنائے تھے۔
26 سالہ احمد شہزاد پاکستان کی جانب سے 13 ٹیسٹ، 81 ون ڈے، 57 ٹی ٹوئنٹی انٹرنیشنل میچز کھیل چکے ہیں۔

واضح رہے کہ اس سے قبل لیگ اسپنر یاسر شاہ کو ڈوپ ٹیسٹ مثبت آنے پر تین ماہ کی پابندی کا سامنا کرنا پڑا تھا، یاسر شاہ کا ڈوپ ٹیسٹ انگلینڈ کے خلاف ون ڈے سیریز کے دوران مثبت آیا تھا۔

ان سے قبل شعیب اختر، محمد آصف، عبدالرحمان، رضا حسن اور کئی غیر ملکی کرکٹرز کو ڈوپ ٹیسٹ مثبت آنے پر پابندی کا سامنا کرنا پڑا ہے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں