The news is by your side.

Advertisement

مصباح الحق اور یونس خان کا خلا اب تک پُر نہیں کرسکے، اسد شفیق

لاہور: قومی کرکٹ ٹیم کے مڈل آرڈر بلے باز اسد شفیق نے کہا ہے کہ مصباح الحق اور یونس خان کا خلا اب تک پُر نہیں کرسکے۔

تفصیلات کے مطابق قومی کرکٹ ٹیم کے مڈل آرڈر بیٹسمین اسد شفیق نے میڈیا سے گفتگو کرتے ہوئے کہا کہ کنڈیشنگ کیمپ میں وہ پوری محنت کررہے ہیں، منتخب کرنا سلیکٹرز کا کام ہے، کپتان سے متعلق فیصلہ کرکٹ بورڈ نے کرنا ہے۔

اسد شفیق نے کہا کہ کنڈیشنگ کیمپ اپنی فٹنس اور فارم کا اندازہ کرنے کے لیے بہترین ہوتا ہے، کیمپ کے پہلے ہفتے میں فزیکل فٹنس پر توجہ ہے، مصباح الحق کی کیمپ میں موجودگی سے نوجوان کھلاڑیوں کو بہت کچھ سیکھنے کا موقع ملے گا۔

ٹیسٹ کرکٹر نے کہا کہ ٹیم کبھی کسی ایک شعبے کی وجہ سے نہیں ہارتی ہے، مصباح الحق اور یونس خان کے جانے کے بعد مجھ پر اور اظہر علی پر دباؤ زیادہ آگیا ہے، دونوں سینئرز کے جانے کے بعد میں اور اظہر علی بڑی اننگ نہیں کھیل پائے۔

مزید پڑھیں: کوچ اور سلیکٹر میں سے کسی ایک عہدے کو منتخب کرنا پڑا، تو استخارہ کروں گا: مصباح الحق

انہوں نے کہا کہ مصباح الحق کے ساتھ کھیل چکا ہوں وہ بالکل بھی سخت مزاج نہیں ہیں، وہ ڈسپلن پر سمجھوتہ نہیں کرتے، کپتانی کے لیے ہر کھلاڑی تیار ہوتا ہے مگر کپتان بنانا بورڈ کا کام ہوتا ہے۔

ایک سوال کے جواب میں اسد شفیق نے کہا کہ 6 سال سے چھٹے نمبر پر بیٹنگ کرتا رہا ہوں، اس پوزیشن پر بڑی اننگز کھیلنے کا موقع نہیں ملتا، ایک آدھ بیٹسمین کے بعد ٹیل اینڈرز کا ساتھ ہی ہوتا ہے تاہم ٹیم کے لیے پرفارم کرنے کی کوشش کرتا ہوں۔

یاد رہے کہ جنوری میں جنوبی افریقا کے خلاف سیریز کے بعد پاکستان نے کوئی ٹیسٹ میچ نہیں کھیلا ہے، پاکستان اور سری لنکا کے درمیان رواں سال کے آخر میں ٹیسٹ سیریز کھیلی جائے گی۔

Comments

comments

یہ بھی پڑھیں