The news is by your side.

Advertisement

آسٹریلوی کرکٹر فواد احمد کے کورونا ٹیسٹ کی رپورٹ آگئی

کراچی: پاکستان سپر لیگ (پی ایس ایل) سیزن 6 کے دوران کورونا وائرس کا شکار ہونے والے آسٹریلوی کرکٹر فواد احمد کے کورونا ٹیسٹ کی رپورٹ آگئی۔

تفصیلات کے مطابق پی ایس ایل اسلام آباد یونائیٹڈ کی نمائندگی کرنے والے پاکستانی نژاد آسٹریلوی اسپنر فواد احمد کورونا ٹیسٹ منفی آگیا۔

فواد احمد نے کورونا سے صحت یاب ہونے کی اطلاع سماجی رابطے کی ویب سائٹ ٹویٹر پر دی، انہوں ںے لکھا کہ الحمد للہ میرا دوسرا کورونا ٹیسٹ منفی آیا ہے۔

لیگ اسپنر نے لوگوں سے اپیل کی ہے کہ کورونا وائرس کو مذاق نہ سمجھیں، اپنے بزرگوں کا خیال رکھیں۔

واضح رہے کہ لیگ اسپنر فواد احمد کا کورونا ٹیسٹ پی ایس ایل کے دوران مثبت آیا تھا جس کے بعد وہ قرنطینہ میں چلے گئے تھے۔

ذرائع کا کہنا ہے کہ فواد احمد کورونا وائرس کا ٹیسٹ کلیئر ہونے کے بعد آسٹریلیا روانہ ہوجائیں گے، آسٹریلیا پہنچ کر انہیں مزید 14 روز قرنطینہ میں گزارنے ہوں گے۔

Comments

یہ بھی پڑھیں