باؤنسر سے زخمی ہونے والے امام الحق کی طبیعت سنبھلنے لگی Imam ul Haq
The news is by your side.

Advertisement

باؤنسر سے زخمی ہونے والے امام الحق کی طبیعت سنبھل گئی

ابوظہبی: نیوزی لینڈ کے خلاف دوسرے ون ڈ ے میں زخمی ہونے والے امام الحق کی طبیعت سنبھلنے لگی۔

تفصیلات کے مطابق نیوزی لینڈ کے فاسٹ بولر فرگوسن کے خطرناک باؤنسر  سے زخمی ہونے والے  اوپنر  بالکل فٹ ہیں۔

واضح رہے کہ باؤنسر ہیلمٹ پر لگنے کے بعد امام الحق پچ پر گر گئے تھے، بعد ازاں وہ ریٹائر ہرٹ ہوکر گراؤنڈ سے باہر چلے گئے۔

البتہ اب پی سی بی نے تصدیق کی ہے کہ ان کی طبیعت بہتر ہے،تمام رپورٹس ٹھیک ہیں، وہ ٹیم فزیو کی نگرانی میں رہیں گے۔

آل راؤنڈر شعیب ملک نے بھی امام الحق کے ساتھ سیلفی بنائی ہے اور کہا کہ امام الحق بالکل فٹ ہیں، خطرے کی کوئی بات نہیں۔

امام الحق کا سی ٹی اسکین بھی بالکل ٹھیک ہے، انھوں نے ٹیم کو جوائن کرلیا، البتہ ان کے تیسرے ون ڈے کھیلنے سے متعلق ابھی حتمی طور پر کچھ نہیں کہا جاسکتا۔

یاد رہے کہ 9 نومبر 2018 کو ابوظہبی میں ہونے والا دوسرا ون ڈے پاکستان کے نام رہا تھا، سیریز اب ایک ایک سے برابر ہے۔

اس سے قبل پاکستان نے نیوزی لینڈ کو ٹی 20 سیریز میں وائٹ واش کیا تھا۔

Comments

comments

یہ بھی پڑھیں