لاہور: ٹی ٹوئنٹی ٹیم سے آؤٹ ہونے والے محمد حفیظ ایک بار پھر خبروں کی زینت بن گئے ۔
تفصیلات کے مطابق پروفیسر کے نام سے مشہور قومی ٹیم کے آل راؤنڈر محمد حفیظ ان دنوں ٹی ٹوئنٹی اسکواڈ سے باہر ہیں، جنوبی افریقہ کے خلاف پہلے ٹی ٹوئنٹی میں وکٹ کیپر بلے باز محمد رضوان نے شاندار سینچری اسکور کی۔
اپنے ٹوئٹ میں محمد حفیظ نے لکھا کہ ٹی ٹوئنٹی میں سینچری بنانے پر آپ کو مبارک باد پیش کرتا ہوں ، آپ چمکتا ہوا ستار ہ ہیں ، حیران کن بات ہے کہ آپ کو کب تک یہ ثابت کرنے کی ضرورت ہے کہ آپ پاکستان میں تمام فارمیٹس کی کرکٹ میں نمبر ون وکٹ کیپر بیٹسمین ہیں ،میں صرف پوچھ رہاہوں ۔
Congratulations @iMRizwanPak on scoring T20 💯👏🏼👍🏼. U r a Star shining star 🌟 Wonder how long u need to prove that u r NO1 wicketkeeper/Batsman in pakistan in all formats of the game. Just asking 🙏🏽 pic.twitter.com/e5fSNIaCmN
— Mohammad Hafeez (@MHafeez22) February 11, 2021
محمد حفیظ کی ٹوئٹ پر سابق وکٹ کیپر بیٹسمین اور کپتان محمد سرفراز نے رد عمل جاری کرتے ہوئے کہا کہ حفیظ بھائی ، امتیاز احمد ، وسیم باری ، تسلیم عارف ، سلیم یوسف ، معین خان ،راشد لطیف ، کامران اکمل اور یہاں تک کے رضوان سمیت اب تک جس نے بھی پاکستان کی نمائندگی کی وہ ملک کیلئے نمبر ون رہا اور اسی طرح قابل احترام رہا ، ہم سب رضوان کے ساتھ ہیں
Hafeez bhai Sb, whoever has played for Pakistan from Imtiaz Ahmed, Wasim Bari, Tasleem Arif to Saleem Yousuf and from Moin Khan, Rashid Latif to Kamran Akmal and even Rizwan right now has always been number ONE for the country and have been respected accordingly. https://t.co/dF7BScOurl
— Sarfaraz Ahmed (@SarfarazA_54) February 12, 2021
We are all behind Rizwan and wish that he plays many more amazing innings for our beloved country.
— Sarfaraz Ahmed (@SarfarazA_54) February 12, 2021
واضح رہے محمد رضوان نے صرف بیٹنگ میں ہی نہیں بلکہ وکٹ کیپنگ میں بھی خود کو منوایا ہے قومی ٹیم کے وکٹ کیپر بیٹسمین محمد رضوان تینوں فارمیٹس میں سنچری بنانے والے پاکستان کے دوسرے کرکٹر بن چکے ہیں۔
یہ بھی پڑھیں: محمد رضوان نے منفرد ریکارڈ اپنے نام کرلیا
محمد رضوان تینوں فارمیٹ میں سنچری اسکور کرنے والے دنیا کے دوسرے وکٹ کیپر بیٹسمین ہیں، ان سے قبل برینڈن میکولم نے بطور وکٹ کیپر تینوں فارمیٹس میں سنچریاں اسکور کیں۔
انہوں نے یہ کارنامہ لاہور میں کھیلے گئے پہلے ٹی ٹوئنٹی میچ میں جنوبی افریقہ کے خلاف 64 گیندوں پر 104 رنز کی شاندار اننگز کھیل کر حاصل کیا، ان کی اننگز میں 7 چھکے اور 6 چوکے شامل تھے۔