The news is by your side.

Advertisement

مصباح الحق اور وقار یونس دونوں ہی میرے مزاج کو سمجھتے ہیں، شاداب خان

کراچی: قومی کرکٹ ٹیم کے لیگ اسپنر شاداب خان نے کہا ہے کہ مصباح الحق اور وقار یونس دونوں ہی میرے مزاج کو سمجھتے ہیں۔

تفصیلات کے مطابق قومی کرکٹ ٹیم کے لیگ اسپنر شاداب خان نے نیشنل اسٹیڈیم میں میڈیا سے گفتگو کرتے ہوئے کہا کہ ہر کھلاڑی کی خواہش ہوتی ہے ہوم گراؤنڈ پر کھیلے، کوشش یہی ہے سری لنکا کے خلاف دونوں میچز میں کامیابی حاصل کیں۔

شاداب خان نے کہا کہ کنڈیشن اسپن بولنگ کے لیے سازگار دکھائی دیتی ہے، آل راؤنڈر کے طور پر کھیل رہا ہوں، فرسٹ کلاس کھیل کر اچھی پرفارمنس دینے کا خواہش مند ہوں۔

انہوں نے کہا کہ سری لنکا کے خلاف انڈر 19 ایونٹ کھیل چکا ہوں، تمام تر توجہ سری لنکن سیریز پر مرکوز ہے، سینئر اسپنرز کی کمی پوری کرنے کی کوشش کررہا ہوں۔

ایک سوال کے جواب میں شاداب خان نے کہا کہ فاسٹ بولر حسن علی کو سب لوگ مس کررہے ہیں۔

واضح رہے کہ پاکستان اور سری لنکا کے درمیان کھیلی جانے والی ون ڈے سیریز کا پہلا میچ بارش کے سبب منسوخ ہوگیا تھا جبکہ دونوں ٹیموں کے درمیان دوسرا ون ڈے میچ کل نیشنل اسٹیڈیم کراچی میں کھیلا جائے گا۔

Comments

comments

یہ بھی پڑھیں